GMH/ÍNDICE A-Z

Referencias da busca neste documento para: Os documentos do Tombo de Toxos Outos

675
1177/02/22. Santiago de Compostela.

A condesa dona Sancha Fernández de Traba dóalle ó mosteiro de Toxos Outos a súa sexta parte na igrexa de S. Vicenzo de Cespón.

B.- Tombo, f. 171r.

Transcr.- SALVADO MARTÍNEZ, B.- “Tumbo de Toxosoutos...”, doc. n.º 29, p. 201.

Carta comitisse domne Sancie Fernandi de VIa integra ecclesie Sancti Vincencii de Seespooa.

In nomine sancte et diuidue Trinitatis, et cetera, vnde ego comitissa domna Sancia Fernandi ad honorem omnipotentis Dei et sanctissime uirginis Marie et sanctorum Justi et Pastoris ob remedium anime mee et patris mei comitis domni Fernandi vobis venerabili domno Petro, Dei gratia monasterii Sancti Justi de Togis Altis abbati, et omni conuentui monachorum prefati monasterii facio textu<m> scripture firmitatis et scriptum testamenti imperpetuum ualiturum de quadam mea porcione cuiusdam ecclesie Sancti Vicencii de Sespalona quam habeo cum sorore mea comitissa domna Tharasia Fernandi ex parte patris nostri comitis domni Fernandi, que est tercia pars tocius ipsius ecclesie Sancti Vincencii de Sespalona, quam terciam integran ego habeo cum sorore mea predicta domna Tharasia per medium. Quam meam medietatem integram predicte tercie prefate ecclesie Sancti Vincencii de Sespalona vobis supradicto domno abbati et omni conuentu\i/ monachorum et predicto monasterio ab integro leto animo ad salutem anime mee gratis dono et concedo imperpetuum habituram cum omnibus suis directuris et appendiciis et gananciis in terra et in mari et in omnibus locis ubicumque fuerit uox predicte ecclesie ab antiquo et nouo tempore; que ecclesia est sita in territorio Pistomarchos circa litus maris, discurrente riuulo Duauria sub monte Iroute. Quam meam porcionem integram, scilicet mediam terciam predicte ecclesie, uobis dono et concedo ut post obbitum meum faciatis pro me anniuersarium sicut pro uno de fratribus uestris. Abhinc de meo iure et dominio sit abrasa uestroque iuri et dominio tradita atque confirmata; habete illam, possidete, uendite, donate atque ex ea omne uelle uestrum facite per cuncta seculorum secula, amen.

Siquis mei propinqus uel extraneus contra hoc uenerit tam ego quam aliquis quisquis fuerit a Deo Patre sit maledictus, et cetera, et insuper parti uestre solidos mille persoluat; et hec carta testamenti semper plenum robur obtineat.

Facta karta testamenti VIIIo kalendas marcii, era Ma CCa XVa.

Ego comitissa, et cetera.

Q. p. f.: Petrus, ts. Martinus, ts. Pelagius, ts. Didacus, ts. Johannes, ts.

Ego Petrus, iudex, conf. Ego Gudesteus, \conf./, cardinalis, conf. Johannes

Didaci, cardinalis, conf. Petrus Tacitus, kardinalis, conf.

Petrus Fernandi, scripsit.