GMH/ÍNDICE A-Z

Referencias da busca neste documento para: Os documentos do Tombo de Toxos Outos

115
1265/09/26. Noia.

Pedro Martínez “Risco” véndelle ó mosteiro de Toxos Outos a súa herdade en Vila Herma, na vila de Sendón, por catorce soldos leoneses.

B.- Tombo, f. 52rv.



Carta Petri Martini dicti Risco de hereditate de Cendom.

In nomine Domini nostri Ihesu Christi, amen. Sub era Ma CCCa IIIa \et quotum VIo kalendas octobris/. Notum sit omnibus tam presentibus quam futuris quod ego Petrus Martini dictus Risco et omnis uox mea, grato animo et bona uoluntate, vendo et firmiter concedo vobis Pelagio Pelaiz, priori monasterii Sancti Iusti de Togis Altis, \comparanti/ in uoce et nomine et in persona abbatis et conuentus eiusdem monasterii omnique uoci sue quantam hereditatem habeo et // habere debeo tam de auolentia quam de ganantia in ipsa villa de Cendom que uocatur Villa Herma, et est ipsa hereditas quam uobis uendo terciam integram unius tercie tocius ipse uille per ubicumque eam potueritis inuenire cum omnibus suis directuris pro precio quod mihi et uobis satis bene complacuit, uidelicet pro solidos XIIci II legionensis monete pro precio et pro robore, et tam de precio quam de robore nichil remansit indebito. Et decetero habeatis eam imperpetuum et faciatis ex ea quicquid fuerit uestra uoluntas; et debeo ipsum monasterium defendere et amparare ab omni impeticione omnium hominum in omni tempore per me et per omnia bona mea. Siquis igitur contra hanc cartam uenerit pectet predicto monasterio solidos XXi VIIIo legionenses; carta nichilominus in suo robore permanente.

Ego iamdictus Petrus Martini pro me et pro omni uoce mea in hac carta manus meas roboro.

Q. p. f.: Petrus Iohannis de Noya dictus Ficarius. Dominicus Michaeli de Taliar. Didacus Iohannis de Forno. Martinus Fernandi Melon. Johannes de Aluariza. Fernandus Melea, piscator de Noya.

Ego Johannes Petri, notarius concilii Noye juratus, interfui et scripsi et conf.