GMH/ÍNDICE A-Z

Referencias da busca neste documento para: Tombo de Celanova

99
1076/ 02 / 09
Menendo, fillo de Odino, dóalle ó mosteiro de Celanova e ó abade Pelaio, a súa parte na villa de san Martiño de Aque Calidensis, onde habita o donante.
TC, fols. 42r. - 42v.
In nomine sancte et vere Trinitas que est sanctitas Patris et Filii atque pariter Spiritus Sancti, Trinitas indivisa que numquam est finienda per cuncta evum in eterna secula seculorum amen. Ego exiguus et humilis servorum Domini servus Menendus filius Odini, in Domino Deo eternam salutem. Ideo Domine de quo tu mihi dare dignatus est cum devotione prompta et mente devota offero ad domum Deum sancti Salvatoris monasterii Cellenove, et tibi patri Pelagio abbati et fratribus vestris ibidem commorantibus pro anime mee remedio villam meam propriam ubi ego modo abitavi, quia sic venit mihi in portione de nostris parentibus sive supra de mea matre, et quantum ego ibidem ganavi et applicavi ab omni integritate ubi illam potueritis invenire. Et est ipsa villa in valle quam nuncupant Caldas subtus mons Pinna Maior super ripam fluminis Limie vocabulo eclesie sancti Martini quam sic dicunt Aque Calidensis, integram illibatamque permaneat concessa atque confirmata post partem ipsius monasterii, ut abeant inde servi Dei temporale lucrum, et ego ante Deum premium inconvulsum. Si quis sane, quod fieri minime opportet non credimus, aliquis homo contra hoc factum meum ad irrumpendum venerit propinquis vel extraneis, aut qualibet forma hominis, quisquis ille fuerit, in primis sit excommunicatus et a fide catholica separatus et perpetuali confusione multatus, et in diem iuditii non audiat illam vocem dicentis, Venite benedicte patris mei percipite regnum, sed cum Iuda traditore pari penas lugeat in infernum / tartarus, et insuper pariet post partem ipsius monasterii tantum et aliut tantum quantum infringere conaverit. Et hanc scripturam in cunctis diebus plenam obtineat firmitatis roborem.

Facta paginola testamenti Vº ydus Februarii. Era C XIIII post peracta Millia.

Ego Menendus prolis Odini in hac serie testamenti manu nostra roborem inieci (signum).

Qui testes fuerunt: Pelaio ts. Viliulfo ts. Vimara ts. Cidi ts. Eyta ts.

Seniorinus notuit (signum).