GMH/ÍNDICE A-Z

Referencias da busca neste documento para: Os documentos do Tombo de Toxos Outos

84
1157/12/03.

Afonso Arias e maila súa muller e fillos véndenlle ó mosteiro de Toxos Outos a quinta parte da vila de Suevos, en Sta. María de Coiro, por seis marcas de prata.

B.- Tombo, ff. 45v-46r.



Carta Alfonsi Arie et uxoris sue de quinta integra totius uille de Soeuos.

Ut emptores et uenditores ueritas im posterum fulgeat quod gratis et precio uenditur subscriptione litterarum testimonio confirmetur, qua propter ego Adefonsus Arie et uxor mea Sancia Pelaiz et filii et filie nostre et omnis uox nostra vobis abbati domno Arie monasterii Sancti Iusti de Spinis Altis et omni conuentui mona chorum eiusdem loci omnique uoci uestre spontanea mente et prouido consensu facimus textum et scripture firmitatis et cartam uenditionis de hereditate nostra propria quam habemus in uilla uocitata Soeuos, territorio Celtigos, concurrente ad ecclesiam Sancte Marie de Courio, que hereditas mihi prefato Alfonso Arie euenit ex mea auolentia et ex matre mea Geloira Sarracenit, et est determinata quinta integra tocius supradicte ville de Sueuos. Hanc siquidem nostram quintam integram tocius iamdicte uille cum omnibus bonis suis et directuris, cum casis scilicet et casalibus, montibus et fontibus, exitibus et regressis, riuulis, proficuis et prestationibus suis tam intus quam extra per suos terminos et antiquos diuisiones videlicet per terminos Sancti Christofori et per terminos de villa Cendon // et per terminos de Firuidu et ascendit per montem de Penna et per terminos de Villar de Costa sicut infra hos terminos continetur ab integro damus et uendimus uobis pro precio quod de uobis recepimus, id est marchas VIx fini argenti, et rogo et robore utrisque ad libitum et de precio apud uos nichil remansit indebito ad so<l>uendum. Abinc igitur habete eandem nostram hereditatem in<te>gram cum populatione et directuris suis possidete, uendite, donate et omne uelle uestrum ex ea facite cuncta secula. Quod si nos aut aliquis nobis propinquis uel extraneis contra hoc nostrum factum spontaneum ad irrumpendum uenerit uel uenerimus quisquis fuerit pariat uel pariamus uobis uel uoci uestre ipsam hereditatem duplatam uel triplatam et insuper marchas XII argenti puri; et hoc nostrum factum semper maneat ratum.

Facta carta uenditionis III nonas decenbris, era Ia C LXL V.

Nos iamdicti in hac carta uenditionis manibus propriis roboramus.

Q. p. f.: Petrus, ts. Pelagius, ts. Johannes, ts. Didacus Ferrarius de Manda, conf. Arias Petriz de Canbeyro, conf. Arias Afonsus, conf. Petrus Carnota, conf. Ordonius Candatus, conf.

Petrus Abbas, clericus, qui notuit.