GMH/ÍNDICE A-Z

Referencias da busca neste documento para: Tombo de Celanova

216
993/ 12 / 26*
As abadesas e Christi ancillae, Eilo e Goisenda, dóanlle ó abade Manilán e ó mosteiro de Celanova tódalas súas propiedades reservándose o dereito ó usufructo durante a súa vida.
TC, fols. 77v. - 78r.1

Christus. In nomine Dei omnipotentis altissimi Patris et Filii eius Ihesu Christi mundique redemptoris atque humani generis pussimi miseratoris et ineffabilis Spiritus Sancti ex ambobus invisibiliter et ineffabiliter cuncta ante tempora procedentis, qui est Deus unus et non solus permanens sine initio et ullo absque fine inseparabiliter unus in Trinitate et invisibiliter trinus in unitate, sive et in amore et veneratione nostri patronis sancti arcangeli Micahelis, sive in dilectione apostolorum omnium nostrumque cunctorum. Ecce nos exiguas et licet inmerito Christi ancillas Aeylo et Goysenda, et licet indignas ordine monastico divina annuente providentia abbatissas tibi Domino Deo et redemptori nostro devotione prompta et mente devota, peccatorum nostrorum gravedinem considerantes, colla et capita coram te et angelis tuis prosternentes, humillima cum prece supplices oramus profussissimis cum gemitibus atque suspiriis, ut parcas Domine parcas, vel solita pietate indulgentissime miseratoris et ignoscas. Quamuis sumus de nostris meritis diffidas quam propter quod miserationes tue non defecerunt quia sumus de tua pietate confisas, placuit nobis et sepius nostre extitit devotioni ut faceremus per hanc seriem testamenti sicut et facimus de omne acsem nostre hereditatis vel facultatis tamque de successione parentum vel avorum abemus quam etiam et que nos sub divino // auxilio ganare vel profligare potuimus vel potuerimus in tuo Deus nomine, pro animarum nostrarum remedio Manillani abbati cuncta testamus et in parte alia nichil dimittimus. Id sunt villas prenominatas in ripa Minei subtus monte Regie inter Laias et Varcina, villa quam dicunt Sandini, tam illa ratione que nobis ibi concessit nostra tya domna Adosinda pro anima de suo nepto Ordonio Godesteiz, quam etiam et cuncta que nos ibi comparavimus vel adplicare potuimus. Et prope ipsa villa de Sandini alia quam vocitant Trasarici, ex alia parte villa de Grovas. In Dezone alia villa per suos antiquos terminos sicut eam nostri parentes vel avii obtinuerunt et nos post eos. Item alia villa quam dicunt Lairatos, quomodo eam nos obtinuimus. Alia villa quam dicunt Valenti sicut nos eam possedimus. Omnes has villas cum suis cunctis utensibilis et cum suis domibus vel torcularibus, et vineas et agros vel cunctis pomiferisvel piscarias, et porto in Mineo qui pertinet ad villam de Sandini, ubi eclesia Sancti Michaelis fundata esse vel stabilita dinoscitur, et quacumque re vel spetie mobilem vel inmobilem in supradictas villas inventa fuerint, omnia post partem Dei et tibi abbati Manillaniper hoc testamentum firmiter ad perabendum concedimus, sub ea tamen ratione taxata ut dum vita hac vixerimus licitum abeamus apprehendere inde quicquid nobis necessarium fuerit; post obitum vero nostro sint cuncta in nostra memoria et per singulos annos sacerdotibus, confessoribus et pauperibus nostras exequias et omnia rescula maiora vel minora ibi cuncta concedimus et Deo et tibi iamdicto Manillani abbati condonando testamus, ut quicquid exinde agere, facere vel iudicare volueris liberam a Deo et a nobis adtributa tibi maneat potestas, ut abeant inde servi Dei cui tu eam relinquere volueris temporale subsidium, et nos apud Deum suis cum electis sortem et premium infinitum. Si quis tamen, quod fieri minime credimus, aliquis homo de propinquis vel heredibus nostris aut extraneis aut quicumque inferior vel superior persona aut superba potestas contra hoc factum nostrum ad irrumpendum venerit vel venire temptaverit, inprimis a cuncta catholica eclesia maneat excommunicatus, et cum Iuda Domini taditore in eterna dampnatione cruciatus lugeat eternos, et constrictus a iudice quod infringere vel irrumpere temptaverit in duplo pariet quogatur. Et hoc nostrum factum in cunctis plenissimum obtineat firmamentum.

Facta et confirmata series testamenti VIIº kalendas Ianuarii. Era discurrente post Millesima XXXI.

Ego Goysenda abbatissa quod cum sorore mea Aeylone abbatissa deliberata collatione et prefinito consilio bona voluntate et tota simul in Deo devotione definivimus et elegimus quia nuper ante me et ab hac luce recessit ad meam et eius vicem quomodo mihi commendavit manu propria roborem inieci.

Sub Christi nomine Viliulfus Tudensis episcopus cfr.- Sub Christi nomine Pelagius episcopus prolis Ruderici ducis cfr.- Sub Christi nomine Petrus yriense et apostolice sedis cfr.- Sub Christi nomine Pelagius Lucense sedis episcopus cfr.

Lubila presbiter confessor cfr.- Gutinus confessor cfr.- Vitiza confessor cfr.- Hermegildus prepositus cfr.

Iustus cfr. Nausti cfr. Iohannes cfr. Ordonius cfr. Guntinus cfr. Sigeredus presbiter cfr. Savaricus presbiter cfr, vel omnis congregatio monasterii Cellenove.

Gundulfus confesus qui tunc prepositus in monasterio Francellos, vel omnis congregatio monasterii ipsius. Viliefonsus qui tunc prepositus in monasterio Castrello, et omnis congregatio ipsius cfr.

Didacus olim abbas quod scripsit confirmat.

* Na outra copia a data é 993/02/23.

1 Este documento foi copiado, con lixeiras variantes, nos folios 90v.-91r., doc. 251.