GMH/ÍNDICE A-Z

543
1174/04/02.

Testamento de Afonso Anáiaz.

Transcr.- SALVADO MARTÍNEZ, B.- “Tumbo de Toxosoutos...”, doc. n.º 23, pp. 195-196.

B.- Tombo, f. 148v.

De filigresia Sancte Marie de Roo.

Testamentum Alfonsi Anayat de hereditate de Paradela et de Villa Viridi et de VIIIa ecclesie Sancti Christofori de Celtigos.

Era Ma CCa XIIa et quotum IIIIo nonas aprilis. Hec est vltima ordinatio quam ego Alfonsus Anaydes, infirmitate diuturna detentus, coram me facere precepi summens sancte religionis habitum propter amorem Dei omnipotentis et sancte Marie uirginis et sanctorum Iusti et Pastoris et sancti Benedicti quatinus quam diu uixere uiuam secundum regulam sancti Benedicti et obedienciam domni Petri, abbatis monasterii Sancti Justi de Togis Altis, et ideo quomodo omnia mea stare debeant dispono. In primis mando corpus meum ad monasterium Sancti Justi in quo ex hodie in sempiternum stabilitate meam et conuersionem morum meorum et obedienciam serui regulam sancti Benedicti promitto cum consensu vxoris mee domne Adosinde Menendi; et mando ad ipsum monasterium Sancti Justi hereditatem meam de Paradela integram et de Villa Viridi quantum ibi habemus ex auolencia et ganancia, et hereditatem de Roo et de Paliarinos ex auolencia et ganantia pro illis quartis ecclesiarum Sancte Eolalie de Villa Coua et Sancti Martini de Elsendi, quas ei donaueram per alias mandaciones, et quantum ganauimus de Maria Sarraceni et de Petro Sarraceni et quantum habemus sub aula Sancte Marie de Roo ex auolencia et ganantia excepta hereditate de villa Merou et medietatem de quanto habemus in fluuio Tamaris et quantum habemus et ganauimus in Villa Noua. De hiis hereditatibus habeant fratres Sancti Justi iam medietatem et uxor mea medietatem dum vixerit et ad obitum suum mandet ipsam suam medietatem de ipsis hereditatibus cum suo corpore ad ipsum monasterium Sancti Justi sicut mihi promisit. Mandamus adhuc ad ipsum monasterium VIIIam integram de ecclesia Sancti Christofori de Celtigos cum alia VIII quam de ipso monasterio tenuimus, et lectum meum et mulam meam et vaccas et equas quas cum eis habemus, et cetera. Hec omnia que mandaui sint pro me et pro uxore mea et compleat per manus domini mei domni Petri, abbatis Sancti Justi, vnum fratrum suum et fratrum ipsius loci et magistri mei domni Stephani et uxori mee et abbatisse Sancte Taasie.

Siquis autem ex mea parte uel extranea contra hanc meam ordinationem uenerit quisquis fuerit sit maledictus usque in septimam generationem et non uideat regnum Dei et uoci regie X libras auri persoluat et in duplum restituat quod calumpniauerit; hac tamen ordinatione in suo robore permanente.

Q. p. f.: Petrus, ts. Martinus, ts. Pelagius, ts. Petrus Pelagii, subprior, conf. Martinus, presbiter et monachus, conf. Capellanus eius Aluitus, presbiter, conf. Petrus Gunsalui, presbiter, conf. Martinus, presbiter, conf. Abbatissa domna Maior cum aliis suis sororibus, conf. Petrus, monasterii Sancti Justi dictus abbas, conf. Petrus, Dei gratia iacobitane ecclesie decanus, conf.

Munio, sarensis diaconus, notuit.