GMH/ÍNDICE A-Z

514
1211/05/22.

Guina Pérez, que toma os hábitos de relixiosa de mans do abade Pedro de Toxos Outos, dóalle a este mosteiro a súa herdade en Servia, Miñortos, Camboño e Lesende e o cenobio comprométese a darlle comida e vestido.

B.- Tombo, f. 142rv.

Carta de Guyna Petri de sua hereditate de Ceruia.

In Dei nomine. Ego Guina Petri et omnis uox mea, presente filio meo Petro Ganso et nepote meo Martino Ganso, facio testamentum et cartulam donacionis vobis domno Petro, monasterii Sancti Justi abbati, et omnibus fratribus ibidem morantibus de tota mea hereditate quam habeo de mea auolencia in terra de Luania in villa nominata Ceruia et de quanta habeo in Miortos et de quanta habeo in Cambonio tam ecclesiastica quam laycali uel habere debeo predictas igitur hereditates cum casis // et casalibus, cum montibus et fontibus, cum exitibus et regressibus, cum arboribus et plantacionibus, cum quanto ad prestitum ad hominis est. Dono et concedo ego Guina Petri vobis domno Petro et monasterio uestro pro Dei amore et sancte Marie uirginis et sanctorum omnium et quia habitum religionis impresenti de manu uestra suscipio, et uos mihi lib<e>ram de victu et uestitu cum aliis dominabus uestras i<n> uita mea promittitis dare. Item do uobis quantum habeo in villa Elsende. Ergo habeatis uos quantum ego habeo uel habere debeo im predictas villas, et possideatis uos et omnis posteritas uestra in secula seculorum. Siquis ex parte mea uel de extranea contra hoc uoluntarium meum factum ad irrumpendum uenerit sit maledictus usque in septimam generacionem et duplet quantum in calumpnia miserit et insuper pariat solidos C; hoc facto semper in suo robore permanente.

Facta carta donacionis sub era Ia CCa XLa IXa et quotum XI kalendas junii.

Ego Guina Petri in hoc scripto quod fieri iussi manus roboro et signo facio.

Q. p. f.: Petrus Gascus, ts. Arias Petri, ts. Martinus Ordonii, ts. Martinus de Terra, ts. Petrus Gascus, conf. Martinus Gascus, conf. Pelagius Renoueiro, conf.

Dominicus, cantor, notuit et conf.