GMH/ÍNDICE A-Z

13

1128, maio, 21.
Convenio entre o bispo de Mondoñedo don Nuño Afonso e o conde don Rodrigo Vélaz polo que se dividen as terras e posesións pertencentes a un e ó outro. Cede a igrexa de Mondoñedo a metade do mosteiro de Vilanova de Lourenzá e recibe, en compensación, un novo couto.
A, perg. partido por A.B.C., de 230 x 495 mm. Letra visigótica de transición.
C, papel.

Contigit quod inter episcopos et comites huius terre discordie et multe contemptiones et lites et guerre fuerunt proptera quia honores eorum coniuncti erant tam de parte regis quam de parte / sedis et propterea quia familie et gentes earum erant plurime de parte sedis et caracter erat de parte regis cum quo comites per uiolentiam obprimebant plebes sedis et expoliabant eas per obpositas calumpnias et etiam sine causa rapiebant sagiones eorum que in domibus et in montibus inueniebant. Unde terra ista numquam in quiete et pa/ce erat quia pro malis istis tam ipsa quam comites et eorum milites in excommunicatione fere semper permanebant sed quia omnipotentis Dei clementia uoluit imponere finem tot et tantis ego Munio Dei gratia uallibriensis ecclesie indignus uicarius et comes domnus Rodericus Uelaz uir discretus / atque catholicus equum et salubre duximus gentes tam plurimas de parte sedi quam paucissimas de parte regis et caracterem miscere et terras inter nos per suos conuenientes termninos iuxta consilium et laudamentum bonorum hominum per medium diuidere saluis uillis serui/cialium et possesionibus ecclesiarum et cautis utriusque partis. Sola diuisio est super gentibus utriusque partis et caracteris. Unusquisque nostrum habeat super se suam partem diuisam cum suo caractere et suam uocem integram super totos suos homines et etiam alios siue infanciones siue / uiduas siue etiam uillanos qui sub sua parte diuisa iacuerint ecclesias et seruicialias que cautum habuerint unusquisque nostrum cautatas habeat sub altero eas uero que non fuerint cautate unusquisque nostrum paccatas habeat sub altero. Archidiaconi uero habeant suam / uocem ecclesiasticam super ecclesias qui in diuisione comiti fuerint sicut habent in aliis terris ubi diuisionem non fecimus. Et ego episcopus et successores mei habeamus nostros foros et nostros directos ecclesiasticos sicut in aliis terris debemus habere ubi non fuerint diuisiones. Habeat etiam episcopus et / successores eius per omnes alias terras in quibus diuisiones non fecimus totos suos homines paccatos et totum suum directum in perpetuum. Conuenimus etiam et affirmauimus inter nos quod ego comes domnus Rodericus Uelaz per laudamentum domni nostri regis et bonorum hominum facio episcopo domno Munioni firmi/tatem et perpetuam stabilitatem per manum domni nostri regis de cauto quod est de aqua de Lacu usque ad Pennam Albam ut deinceps uallibriensis sedis et episcopi et canonici qui ibidem fuerint habeant illum cautum prefatum in perpetuum cum omnibus hominibus qui ibi sunt tam de parte regis quam etiam de mea cri/atione cum suis hereditatibus qui iacent cum hominibus Sancti Martini qui ibi sunt cum toto suo caractere et cum tota sua uoce regia pro medietate monasterii Uillenoue quam mihi datis eo tenore quod ego dem illum integrum in seruicio Dei et monacorum qui ibi sunt et sit liberum de uestra parte / quod non habeatis illud iure hereditario sicut actenus habuistis sed de hac die in antea monachi et qui Deo seruiunt habeant illud monasterium integrum solummodo cum suo cauto et cum suis hominibus et hereditatibus que ibi sunt tam de uoce noua quam etiam de uoce ueteri Sancti Martini remanentibus saluis post partem uestre sedis omnibus hereditatibus et familiis tam ecclesiasticis quam laicalibus et omnibus incartationibus que de parte Guterre Osoriz fuerunt et foris sunt de illo cauto et domnus bone memorie rex Adefonsus Fernandiz pro remedio anime sue et parentum suorum Deo et uobis cum medietate illius prefati monasterii contulit per suum testamentum et sint solummodo arum(?) monasterii cum omnibus que ibi sunt ad honorem Dei et seruicium et procurationem monacorum a uobis recipimus saluis omnibus aliis que de parte Guterre Osoriz fuerint et foris sunt de illo cauto. Ita tali / tenore uolumus quod prefatum monasterium maneat in perpetuum post partem monacorum quod numquam ulterius aliud ibi queratis neque habeatis nisi uestrum ius pontificale quale habetis in aliis ecclesiis et monasteriis que hereditario iure modo tenetis. Hec siquidem receptio num/quam irrita habeatur sed firmiter inconcusa stabilitate permaneat seruato iure pontificali in sacris ordinibus in benedictione abbatum in ligatione et absolutione et receptione sicut bonus episcopus debet recipi honorifice. Et insuper ego comes domnus Rudericus et omnis uox / mea uobis episcopo domno Munioni et successoribus uestris facio perpetuam stabilitatem et firmitatem ut nullis temporibus inquietem sedem uallibriensem nec aliquis in uoce mea nec queram ibi hereditatem nec homines nec mea nec de mea criatione nec in cauto uallibriensi sicut est / factum et determinatum per suos terminos scriptos et affirmatos per testamentun regine domne Urrace siue debeam ibi aliquid habere siue non unde actenus uos et domnam Sanciam sororem meam calumpniaui sed adiuuem locum illum prefate sedi defendi et honorari pro posse meo ubicumque potero et opus fuerit sine arte et malo ingenio. Et iste diuisiones debent fieri de flumine Sorio usque ad flumen Euue exceptis cautis utriusque partis. In terra uero de Montenigro per portum Buzacanos et per pontem de Culina et per portum de Storia et per montem de / Meir et per aquam de Guade exceptis omnibus illis cautis et servicialibus et possessionibus ecclesiarum sicut supra dictum est utriusque partis. Similiter sit de Laurenzana uel diuidamus per medium caracterem uel per manum nostrorum saionum. Hec omnia affirmamus per iuramentum trium / bonorum hominum et osculum fidei et ueritatis qud nos ambo ad inuicem facimus ut sicut in hac scriptura continetur et fideliter intelligitur ita nos firmiter conpleamus et confirmari a domno nostro rege pro bona fide faciamus. Si uero domnus noster rex istam conuentionem inter nos facere / noluerit per hoc iuramentum nostrorum trium hominum et osculum fidei et ueritatis quod damus ad inuicem demus ad illa uenita de illo fossato de hoc dicto instanti uos xxiiiior de uestris bonis hominibus et ego xxiiiior qui exquirant inter nos ueritatem de meo re/galengo et de meis hereditatibus et de mea criatione et de toto directo sedis uestre et sicut inceperint inquisicionem ita compleant et dent uobis et nobis totum nostrum directum quam cito potuerint et sicut melius potuerint uel stemus in nostro facto dum honores tenuerimus et qui hoc conplere noluerit sit periurus.
Et diuisio sit facta ad prode utriusque nostrum sicut melius poterit fieri. Era iª c. lxvi et quotum xii kalendas iunii.