GMH/ÍNDICE A-Z

560
1032/ 12 / 01
Oduario Vermudiz dóalle ó mosteiro de Celanova dúas villae, unha no Salvador de Sanguñedo e outra na villa de Alongos.
TC, fol. 192v.
TESTAMENTUM QUE FECIT ODUARIO VERMUDIZ DE VILLAS SANGUINETO ET ALONCOS.

In nomine Domini et Salvatoris nostri Ihesu Christi. Ego Oduario prolis Veremudi, vobis Aloitus abba et fratribus monasterii Cellenove, facio vobis ibidem textum scripture firmitatis ad domum Domini et monasterii Sancti Salvatoris ubi litteras docui et iam inde pactum me conscripsit cum omnia mea concedo ibidem prona mente et spontanea mea volumtate pro remedium anime mee, duas villas una in Sancto Salvatore quam dicunt Sanquinieto quomodo dividet cum Sabuzeto et de alia parte per forno, forca et fita, et fuit ipsa villa de avio nostro Ordonio Adaulfiz et de mater mea Ildonza. Et alia villa in ripa Minei qua inquiunt Haloncos subtus villa de Tuen, et fuit ipsa villa de avio meo Quintila Danieliz et de patre meo Veremudo. Concedo vobis et ad domum Domini Sancti Salvatoris et monasterii Cellenove, ipsas villas ab integro cum omnem adiacentiis et prestationibus suis, quomodo illas obtinuerunt avios et parentes meos in vita sua \et\ post obitum suum, sic concedo vobis illas ab integro per omnes suos antiquos terminos pro remedium anime mee. Ita ut habeatis et possideatis iuri quieto firmiter ad perhabendum sine aliis heredibus, et vos fratres monasterii qui ibidem in vita sancta perseveraverint sint testatas atque confirmatas. Et si aliquis homo contra hec factum nostrum venerit ad inrumpendum, tam nos quam de gens nostra propinquis vel extraneis quisquis ille fuerit, inprimis sit excommunicatus et anathematus, et a fide catholica separatus, et pariet post parte vestra tantum vel aliud tantum quantum infringere conaverit, et post parte rege aut comite qui illa terra imperaverit auri talenta.

Facta scriptura firmitatis ipsas Kalendas Decembris. Era MªLXX.

Incoante Hoduario Veremudiz in hanc scriptura testamenti manu mea (signum).

Pro confirmans: Erus prepositus cfr. Vimara Kagitiz cfr. Munnio Hodiniz cfr. Gemondo Vimaraz cfr. Vimara Vizoyz cfr.

Pro testes: Vimara Gundesindiz ts. Froila Lopiz ts. Godesteo ts.

Veremudus presbiter scripsit.