GMH/ÍNDICE A-Z

Referencias da busca neste documento para: Os documentos do Tombo de Toxos Outos

182
1231/10/11. Santiago de Compostela.

O escudeiro Pedro Arias véndelle ó mosteiro de Toxos Outos a súa herdade en varias vilas das freguesías de S. Xoán de Roo e S. Cosme de Outeiro por un bo polero e sesenta soldos leoneses.

B.- Tombo, f. 66v.

Carta Petri Arie, filii Arie Petri de Veeru, de hereditate de Veeru et de Lacona et de Golfiam.

In nomine Domini. Notum sit uniuersis quod ego Petrus Arie, armiger, filius Arie Petri de Veeru, et omnis uox mea grato animo et spontanea uoluntate vendo et firmiter concedo vobis domno Petro Gasco, cellarario monasterii Sancti Justi de Togis Altis, comparanti pro ipso monasterio, quantam hereditatem habeo in Veeru et in Lagona et in Golfiam, in filigresiis Sancti Johannis de Roo et Sancti Cosme de Auterio, quam ego habeo ex parte predicti patris mei et aui mei Petri Arie de Veeru. Vendo inquam pro uno bono roncino inselato et infrenato et pro solidos LXa legionensis monete; ab hin<c> igitur usque in secula seculorum uos et uox uestra integre habeatis et pacifice possideatis predictam hereditatem cum omnibus suis directuris ad eam pertinentibus per suos terminos et diuisiones antiquas ubicumque fuerint, ita quod omne uelle uestrum de eis imperpetuum faciatis quia nec de precio neque de robore penes uos remansit aliquid persoluendum.

Siquis igitur contra hanc uenditionem meam ad irrumpendum uenerit quisquis fuerit persoluat uobis uel uoci uestre duos roncinos insellatos et infrenatos et solidos CXXi fortis monete; carta et uenditione nichilominus in suo robore permanentibus.

Facta carta Vo idus octobris sub era Ma CCa LXa VIIIIa.

Ego iamdictus in hac carta manus meas.

Q. p. f.: Johannes Ferrarius de Mamola. Petrus Berdia, pelliparius. Viuianus Gudestey, mercator. Petrus Martini, aurifex. Johannes Laurencii. Johannes de Louar, tabernarius. Petrus Bellus, lanista.

Ego Martinus Iohannis, notarius concilii compostellani juratus, scripsi.