GMH/ÍNDICE A-Z

Referencias da busca neste documento para: Documentos da catedral de Lugo. Século XIV

578
1351, xuño, 13. Lugo
Pedro I comisiona o bacharel Domingo Beneyto de Salamanca para que instrúa e sentencie o preito que sostiñan o Concello e o bispo de Lugo polo señorío da cidade.

LUGO, AC, perg. orix., 610x450 mm, extr. Tumbo Nuevo, fol. 237r.

CAÑIZARES: pp. 1048-1055.

SÁNCHEZ BELDA: Documentos..., n.º 1118, p. 471.

In Dei nomine amen. Sepan quantos esta carta virem commo ante min Domingo Benyto de Salamanca, executor dado por nuestro sennor el rey don Pedro en pleito que es entr’el dicho sennor rey et el conçeio della çiudat de Lugo, della unna parte, et dom frey Pedro Lopes, obispo del dicho lugar, et el cabildo de su iglesia della otra, sobre rason della posisson et tenençia del sennorio et justiça et dellas llaves et della senna della dicha ciudat de Lugo, segundo todo esto mas compridamente se contiene en unna carta del dicho sennor rey el thenor della qual es este que se segue:

A continuación inclúe o documento expedido en Illescas 1351-IV-20, (CD n.º 576).

Et yo el dicho Domingo Beneyto, exsecutor de lo dicho, vistos et examinados los dichos de los testigos que fueron dados ante mi por parte del dicho sennor rey et con [...] et vistos los que foron dados por parte del dicho obispo et cabildo, et vistos otrosy los dichos dellos testigos que yo en mi ofiçio reçebi destas comarcas, aquellos que yo pude saber que eran mas sen sospecha et que dirian verdat por [...] partes, et vistas las cartas et estrumentos et otros recabdos que llas dichas partes ante mi presentaron y rasonaron dellas posison et tenença del sennorio et justiça et llaves et signa della dicha çiudat, et preguntado otrosy a los procuradores del dicho sennor rey et conçeio et al dicho obispo et procurador del cabildo que querian presentar o mostrar ante mi mas cartas o instrumentos o otros recabdos algunos sillos tinnan en rason della poseson et tenença dellas sobredichas cosas et de cada huna dellas, las sobredichas partes dixeron que non, mas que librasse por los testigos et cartas et recabdos que avian presentado, segundo me era mandado por la dicha carta de mio sennor rey. Et yo sobre todo esto aviendo mi conseio con homes boos letrados et sabidores en foro et en derecho, falle por los dichos testigos et por las cartas et instrumentos et outros recabdos que cada huna dellas dichas partes ante min presentaron, que el dicho obispo don Johan, que foy de Lugo, anteçesor deste dicho dom frey Pedro Lopes, obispo que agora es, et el cabildo della dicha sub iglesia estavan en posisson et tenença del sennorio della dicha çiudat, della justiça et dellas llaves et della senna et de faser alcalles en la dicha çiudat, et los notarios, et della cadena en que puenen los presos por sus mayordomos, et de tomar los portalgos, et la castellage para reparar los muros della dicha çiudat, et dellas otras cosas que pertenescian al sennorio et jurdiçon rayal della dicha çiudat, et destas cosas sobredichas et cada una dellas estavan en posison et tenença los dichos obispo et cabildo al tiempo que el rey don Affonso, que Deus perdone, mando salir al dicho obispo de seus regnos por la sanna que del ouvo. Por quel dicho sennor rey don Pedro me envio mandar por su carta que se yo fallasse quel dicho obispo, dom Johan, et sub cabildo estavan en posisom et tenença dellas dicha cosas et de cada una dellas, que possesse al dicho dom frey Pedro Lopes, obispo que agora es, et al dicho cabildo della dicha sub iglesia en posison dellas cosas sobredichas de aquellas que el dicho obispo, don Joham, estava en posisom al tiempo sobredicho et el su cabildo con el. Et yo por exsecuçon et conprir mandado de mio sennor el rey, segundo me es encomendado por la sub carta sobredicha, he enplasar parentoriamente los procuradores del dicho sennor rey et conçeio et el dicho obispo et procurador del sub cabildo para que paresçeren a dia çerto ante min para veer librar et conprir mandado del dicho sennor rey et sub carta. Et las partes presentes ante min al praso quelle fue posto, yo guardando diligentemente el tenor et la forma della carta del dicho sennor rey, en quanto podo et devo, et non me estendendo a mas quanto me por ella es mandado, por ende yo, el dicho exsecutor, pongo en posison et tenença al dicho obispo, dom frey Pedro Lopes, que agora es, et al cabildo de sub iglesia del sennorio della justiça et dellas llaves et della dicha çiudat de Lugo et della senna et dellas notarias et della cadena en que guardan et ponen a los presos por sus mayordomos et del portalgo et della castellagen para reparar los muros della dicha çiudat et de todas las otras cosas que perteesçen al sennorio et jurdiçon rayal de la dicha çiudat, segundo fallo quello tenia el dicho obispo, dom Johan, sub anteçesor al tiempo que el rey dom Alfonso lo mando salir de sus regnos et mando a los visinos et moradores en la di[...] en la [...] del dicho sennor rey dom Pedro et de seyscentos maravedis al que contra ello pasare et della penna que meresçen aquellos que non [...] los dichos obispo et cabildo en la posison dellas dichas cosas nin d’alguna dellas. Et quel sean obidientes et mandados d’aqui andelante et non fagan ende al [...] et justiças que el poser et con los que poser que tengan la cadena et mayordomadego et la castellage et portage. En testemonio dellas quales cossas sobredichas mande dar, a dicho sennor dom frey Pedro Lopes et a suio cabildo, esta carta seellada con mio seelo colgado et por mayor firmidade mande a Fernan Garçia et a Fernan Peres, notarios publicos [...] que [...] proceso deste pleito ante min que possessen en ella seus signos et suscrivesen sus nombles con sus mannos en testimonio dellas cosas sobredichas.

Fecho fue esto en Lugo enlla [...] trese dias de juyo, era de mill et tresientos et oyteenta et nove annos.

Testigos que a esto foron presentes: dom Ruy Ferrnandes, dayam, thesorero de Mendonedo; Fernan Dias, dayan [...], Maestro Johan, Affonso de San Jullao, Diego Gomes de Lavados, Pedro Ferrnandes, bacheller en gramatica, Lopo Nunes de Magoe et Affonso Ferrnandes, et outros moytos.

Et eu Fernan Peres, sobredito notario publico del rey en Lugo, a esta sentensa que Domingo, exsecutor sobredito, deu commo dito he con Fernand Garçia, notario, et con as testemoyas sobreditas presente fuy et por seu mandado et a pedimento do dito sennor obispo et do procurador do dito cabidoo esta carta de sentenza en minna presença fis escrivir et puge y meu nome et meu signal en testemoyo de verdade.