GMH/ÍNDICE A-Z

Referencias da busca neste documento para: Documentos da catedral de Lugo. Século XIV

163
1316, decembro, 27. Lugo

O bispo de Lugo dóalle ao Cabido un casal en Vilar de Cas por unha procesión o día de San Miguel e outras condicións.

MADRID, AHN, Cód. 1042 B, fol. 56v.

In nomine Domini amen. Noverint universi quod reverendus pater dominus frater Iohanis Dei gratia, lucensis episcopus, dat et concedit, capitulo lucensis, unum casale quod habet episcopus in Villar de Caes, quod casale fuit Alffonsi Petri, militis de Sarria, et uxoris sue Marie Roderici, et ex nunc transfferit dominium et posesionis dicti casalis in capitulum; et capitulum ad honorem ipsius episcopi debet facere processionem solenniter quolibet anno, in festo Santi Michaeli de vindemiis, et in octavali eiusdem festi, Santi Michaeli, debet capitulum facere comemoracionem ipsius festi in vesperis et matutinis cum antifona et versiculo et oracione, et in missa dicere colectam ipsius festi con aliis oracionibus quod dicuntur in missa, et hoc quali die ipsius octavalis. Item capitulum debet facere processionem solenniter in festo translacionis beati Iacobi, quolibet anno, quod festum est in octavis Natalis Domini. Post mortem autem episcopi debet facere capitulum duo aniversaria pro anima ipsius episcopi: unum in die de posicionis corporis ipsius episcopi, et aliud in crastino Sancti Michaeli, con processionibus supradictis. Et sciendum quod episcopus debet tenere fructus arrendatos supradicti casalis in vita sua a capitulo, et dare capitulo, quolibet anno, quinquagimta morabitinos pro arrendacione, monete regis donni Fernandi, vel valorem ipsorum, et morabitini isti debent esse ad octo solidos, et medietas istorum morabitinorum debet solvi in festo translacionis beati Iacobi, et alia medietas in festo Santi Michaeli de vindimiis.

Et est fideiussor, ad hoc donnus, Fernandus Iohannis, archidiaconus de Neyra.

Actum fuit hoc in loco ubi consuevit capitulum celebrari in ecclesia lucensis, era Mª CCC quinquagesima quarta, et quotum VI kalendas inauarii.

Presentibus: donno Martino Iohannis, decano lucensis, et aliis pluribus de [capitulo] more solito congregatis. [Alfonsus] Petri, publicus notarius lucensis, rogatus promissis [...] signum meum apposui.