GMH/ÍNDICE A-Z

Referencias da busca neste documento para: Tombo de Celanova

268
1037/ 01 / 30
Pedro Vimaraz e súa muller dóanlle ó mosteiro de Celanova e ó abade Aloito, a súa herdade de san Xoan de Trasmirás.
TC, fols. 102r. - 102v.

Sub nomine sancte et individue Trinitatis qui est sanctitas Patris et Filii et Spiritus Sancti, qui extat pius incomprehensibilis per omnia secula seculorum. Ego Petrus, prolis Vimarani, una cum coniuge mea Adosinde in Domino Deo eternam salutem amen. Obinde placuit nobis bone pacis et voluntas ut facerem vobis kartulam testamenti ad domus Domini Sancti Salvatoris et sanctorum apostolorum nostrum adque confessorum et virginum, quorum reliquie sancte et venerande dinoscitur in loco et aula Dei monasterii Cellenove, et vobis domni et patri Aloiti abbati, et fratribus vestris ibidem commorantes et in vita sancta perseverantes salutem nobis semper eveniat a Domino. Ideo Domine de quo tu nobis dare dignatus est, offerimus adque concedimus vobis ibidem villa nostra propria quos vocitant Trasmir, et abuimus illa media de nostra parentela et illa alia media quo comparavimus de Flamula Didaz pro nostro precio legitimo. Et habet iacentia ipsa villa in territorio Limie, subtus castro Kenderedi, discurrente arrogio sic Kenderedi quos discurre per media ipsa villa vocabulo Sancto Iohanne. Et dividet ipsa villa cum villa de Marci et de alia parte cum villa de Kenderedi plegat in termino de Ravanales. Damus vobis ipsa villa ab integro cum omnia bona sua vel adiunctiones suis, pro remedium anime nostre sicut nos obtinuimus ea iuri nostro / ubique illa potueritis invenire per suis terminis et locis antiquis. Omnia ab integro concedimus vobis Deo et sanctis eius, ut habeant inde servis Dei ibidem commorantibus, et in vita sancta persequentibus temporale subsidium, et nos ante Deum premium inconvulsum. Ita ut ab odierno die et deinceps maneat ipsa villa de iuri nostro abrasa, et in iure vestro et monasterio sit translata adque confirmata, perpetualiter possidenda evo perhenniter et secula cuncta. Si quis Domine contra hunc factum nostrum que nos pro peccatis nostis gratanter offerimus Domino nostro infringere presumpserit quisquis ille fuerit, propinquis vel extraneis aud qualibet generis homo, in primis sit excommunicatum et anathematum, et perpetua confusione multatus et cum Iuda Christi traditore pari penas multeret in eterna dampnatione et insuper pariet ipsa villa duplada vel triplada, restituat monasterio sancto et hanc series testamenti plenam et stabilitam obtineat firmitatis roborem.

Facta kartula testamenti IIIº Kalendas Februarii, Era M L XXV.

Petrus Vimarani prolis et Adosinde in hanc series testamenti manibus nostras roboramus (signum).

Pro confirmans: Fernando Arias cfr. Vermudo Alvariz cfr. Onorigo Gutterriz cfr. Munio Petriz cfr. Menendo Froilaz cfr. Magister Emila cfr. Magister Iustrario cfr.

Et qui presentes fuerunt: Osorio ts. Martino ts. Sesguodo Froila ts. Gudesteo. Vimara. Eita ts. Gergorio ts.

Pelagius presbiter notuit (signum).