GMH/ÍNDICE A-Z

68
1236/07/08. Santiago de Compostela.

Maior Pérez, filla de don Pedro Arias de Viro, e o seu fillo, o cabaleiro Fernando Muniz, véndenlle ó mosteiro de Toxos Outos a súa herdade en Viro, en S. Xoán de Roo, por cincocentos vinte soldos leoneses. Durante a súa vida terán as herdades do mosteiro e ó morrer pasarán a este.

B.- Tombo, ff. 41v-42r.

Carta Maioris Petri, filia Petri Arie, de hereditate de Veeru.

In nomine Domini, amen. Notum sit uniuersis quod nos Maior Petri, filia domni Petri Arie de Uiiru, et filius meus Fernandus Muniz, miles, et omnis uox nostra, grato animo et spontanea uoluntate vendimus et firmiter concedimus vobis Johanni Gunsalui, priori, et Petro Petri dicto Batalla, cellarario monasterii Sancti Justi, comparantibus pro monasterio Sancti Justi de Togis Altis et pro omni uoce sua pro precio nobis et uobis complacabili, uidelicet Ds XXi solidos legionensis monete, quantum habemus in Viiru tam de auolentia quam de ganantia in filigresia Sancti Johannis de Roo et in tota uita nostra debemus totam ipsam hereditatem de Viiru tenere de manu et iure dicti monasterii. Ita quod mortuo altero nostrorum amborum superstes teneat ipsam hereditatem totam, ad mortem uero suam ipsa hereditas cum tota sua populatione ad monasterium integre et libere deuoluatur; abinc igitur usque in secula seculorum prefatum monasterium integre habeat et pacifice possideat ut dictum est predictam hereditatem cum sua populatione et cum omnibus suis directuris ad eam intus et extra pertinentibus per suos terminos et diuisiones antiquas ubicumque fuerint. Ita quod omne velle suum imperpetuum faciat quia nec de precio neque de robore penes uos remansit // aliquid persoluendum. Siquis igitur contra hanc uendicionem nostram ad irrumpendum uenerit quisquis fuerit persoluat dicto monasterio mille XL solidos forte monete. Carta et uenditione nichilominus in suo robore permanentibus.

Facta carta VIIIo idus julii, sub era Ma CCa LXXa IIIIa.

Nos iamdicti in hac carta manus nostras.

Q. p. f.: Domnus Dominicus Didaci, cardinalis compostellanus. Vicencius Petri, clericus de coro. Homo Bonus, alfayatus. Adam Muniz, scutarius. Petrus Arie. Petrus Petri, monachus Sancti Iusti. Rodericus Gomez de Corzom. Petrus Pelaiz de Ordilde. Johannes Pelaiz, frater eius. Didacus Petri, armiger.

Ego Martinus Iohannis, notarius concilii compostellani jurati, scripsi.