GMH/ÍNDICE A-Z

109
1131/ 05 / 19

Gutier Núñez, in habitu fratris degens, dóalle ó mosteiro de Celanova varias herdades, na villa de Manzanedo, antes chamada Datio, e noutros lugares.

TC, fols. 45r. - 45v.

Christus. Sub honorem sancte et individue summe Trinitatis, Patris videlicet et Filii ac Spiritus Sancti omniumque sanctorum et sanctarum, et propter honus meorum peccatorum ut partem merear adipisci in cetu sanctorum. Ego Guttierre Nuniz facio kartam testamenti ad aulam sancti Salvatoris omniumque reliquiarum sanctarum ibi quiescentium vocabulo Cellenove, constructa a presule Rudesindo, ex mea hereditate propria que mihi in portione separata a fratribus meis et sororibus ex parte parentum meorum legitime venit, quam abeo in villa Mazanedo antiquitus vocata Datio videlicet mea hec est, ex villa superius nominata Mazanedo scilicet IIIIª integra, excepta vinea quam dedi Romano Petriz et coniugi sue sorori mee Ielvire Nunniz. Et etiam testo meam rationem quantum mihi evenit ex illa eclesia de Mazanedo et de Sauto IIIIª integra, et in villa Froilanes medietas ex illa hereditate quam comparavi cum uxore mea de Iohanne Amiguiz, et in villa de Meizu medietas integra quomodo dividitur per casal de Pelagio Iquilaz, et inde per pena de Gacinus. Do et concedo totas istas hereditates iam prenominatas excepta ipsa vinea Romani Petriz cum paucis mazanariis, et excepta IIIIª de sesiga unius mollini quam dedi ad ipsam eclesiam de Mazanedo. Omne aliud quodcumque invenire potuerit in casas, in vineas, in terras, cum quanto in se obtinet et ad utilitatem hominum prestare potest, testo et concedo ad monasterium Cellenove prenominatum, ut abeant inde servi Dei temporale subsidium, et ego ante Deum premium eternum, alteram vero scripturam anteapositam aut postpositam stabilire minime permitto, sed istam solam Deo in eternum servire mando. Nemo quippe permitto ex propinquis vel ab extraneis in aliquam irruptionem facere aut istam scripturam violare, quod qui fecerit et hoc factum meum infringere temptaverit, inprimis sit a limine eclesie segregatus et a corpore et sanguine Christi separatus et ad partem predicti monasterii pariat ipsas hereditates duplatas et insuper Dos solidos puri argenti. Et si in tali facimus usque ad mortem perseveraverint patiatur supplitium perpetuale cum Iuda traditore. Et hoc scriptum firmo maneat robore.

Facta series testamenti XIIII kalendas Iunii. Era M C LXVIIII.

Ego Guttierre Nunniz in habitu fratris degens / in hoc testamentum quod fieri rogavi proprias manus coram clementissimus auditoribus seniorum Cellenove confirmo atque roboro.

Pro testibus: Alvarus ts. Nunnus ts. Pelagius ts.

Menendus tyrsensis hordine levitico fungens notuit.