GMH/ÍNDICE A-Z

8
962/ 06 /
Elvira, exigua ancilla, filla do duque Arias e da condesa Hermesinda, doa a Celanova varias propiedades encabezadas pola villa de Lampaza, na Limia.
TC, fols. 9r. - 9v.
In nomine Domini qui est Dei virtus et quoeterna sapientia cuius nomen est super omne nomen quem collaudant visibilia atque invisibilia, et ad cuius nutu et imperio cedunt celestia et terrestria ipsum verbum Patris altissimi qui a Deo exivit, et in hunc mundum venit qui collapsum humanum genus redemit reparavit, et sibi per veram Trinitatem nexu perpetuo sotiavit seu ob honorem domnorum apostolorum sequipedas ipsius Petri et Pauli, Andree, Iacobi et Iohannes, beatissimi et sanctissimi Martini episcopi et confessoris, sancti arcangeli Michahelis et omnium sanctorum quos sanctificavit et misit in mundum de quorum nomina eos perstruximus cuius monasterium et baselica fundata esse noscitur et cernitur in locum quem promunt Cellam Novam, territorio Bubalo ad crepidinem montis Leporarii. Ego exigua ancilla vestra Giloyra mole peccatorum obruta, in spe fidutiaque vestra omniumque sanctorum meritis respirans non usquequaque desperatione deitior que etiam teste conscientia reatu mei criminis sepe pavesco. Ut ego per vos sanctissimi martires tandem reconciliari merear Domino vestrum atque sanctorum omnium suffragium fida supplicatione votis omnibus imploro, et ideo devotioni mee extitit ut de paupertatula mea sancte eclesie vestre aliquantulum ex voto proprio conferre deberem, et qua scribtum est Vovete et reddite Domino Deo vestro. Ideo omnia affectu operis eandem ipsam meam devotionem implere procuro, hac sic concedo et offero glorie vestre atque sacrosancto altario sancti Salvatoris celestis regis et domni sanctorum eius in loco et territorio supradicto ut dixi, pro victum atque vestimentum monachorum in ipsa ecclesia vestra deservientium sive pro luminaribus altariorum vestrorum exceptione ospitum et peregrinorum vel elemosinus cunctorum pauperum, villam iuris mei debitam in territorio Limie quam dicunt Lampatiam, secus arrogio ut sicut eam sortitam habui inter germanos meos de successione genitoris et genitricis mee Ariani ducis et Hermesinde auctrix cometisse, sic eam concedo integram cum edificiis cunctis et prestationibus propriis cum alias villares et agellis qui ad eandem villam sepe destruerunt et una sors possidentibus extiterunt. Id sunt unum villarem quod dicunt Zernatiella medietatem integram per suos antiquiores terminos de cuius aliam medietatem Nunus Menendit obtinuit; alium villarem qui fuit de Yheremias quod ego emptum accepi de Amico; tertium villarem quod fuit de Lico in ripa Lutrii quantum ipse Licus ibidem obtinuit vel in aliis ibi coherentibus; et de hereditate de Gundila et de suos filios nominibus Leovegildo lion, damus vobis de nostra hereditate et de nostra mulier de villa de Parata sexta integra, pumares, devesas, quantum in ipsa villa ad prestandum hominis est; item nostra rationem in villam Paratam que fuit de Frange sepes quantum in nostras cartas resonant et iuris nostri mancipatus actenus mansit. Adicimus etiam per hanc seriem testamenti villam ipsius genitoris nostri in Limia, villarem de Asino\y\ quod sic accepimus inter germanos nostros medietatem de ipsa villa, seu et eclesia que ibidem est fundata sanctum Iohannem per suos vetustos terminos; alias villas in Limia, villa quam dicunt Sarrianos prope domum sancte Marie de Hordines, quantum genitoris nostri habuerunt quam etiam illos et nos de canparato emimus; aliam sic villam quam vocitant Sabuceto ubi Miron et Spanilo habitavit secundum in scripturas nostras resonat. Hec omnia supra taxata quod votive offerimus et litatio quam super altaria sancta vestra manibus nostris reponimus pro anima dilecti viri mei Munnionis seu et nostra in quantum partem inter filios nostros eicimus. Et damus pro eis adsortiendum illis alias villas in comitati Caldellas per / sessionem quod ibi obtinuit ipse comes genitor mei domnus Arias cum alia villa que promunt Muriolas in ripa Naviole, et cunctas terras et villares seu montes que ad easdem villas sepe deservierunt infra ipsum comitatus. Et ut dare concludatur et conclutaratur oratio nostre textum et indiculum huius rei concessu omnia quod Domino nostro contulimus per manum cultoribus eius Rudesindi episcopi et fratrum eius qui sub ope divina istum remoratum (sic) locum Cellam Novam construerunt, et suave Christi iugum et regule documentum propriis cervicibus adibuerunt per manus ipsorum a domnum emolumentum sit susceptum et acceptum cum omnia quicquid visum est in ipsas villas ad possidendum arborem, ligna, petras, aquas, mulina, tam fructifera cuncta tam arandi quam pascendi aditus. Cuncta Deo et fratribus concedimus verum etiam quantum cartas quas in manu fratrum ponimus que per eas in ipsas villas potuerint invenire emptum vel donatum Deo et ipsis maneat mancipatum. Ut amodo et deinceps de iuri nostro abrasa, in iure sancte eclesie vel omnium successorum istorum fratrum pareant possidendum, quod adiuratione confirmo divini numinis Trinitatem per indissecabilem nexum fiedi catholice per virtutum omnium celestium tenorem, quia contra hunc devotionis mee textum numquam ego per me nec per aliam subrogativam personavi ventura ad irrumpendum. Si quis ex progenia mea vel extera persona superior aut inferior, propinquus vel extraneus hunc testamentum infringere temptaverit vel temptavero, quicumque ille fuerit, sit excomunicatus et perpetue confusione mutatus et insuper pariet tantum quantum infringere temptaverit.

Facta series testamenti III ydus Iunii. Era M.

Gylvira Deo vota in hanc scripturam testamenti quod fieri iussi, et relegendo cognovi manu mea confirmo (signum).

Sub Christi nomine gratia Dei Arias episcopus devotionem huius devotionis mee genitris bono animo confirmo (signum).

(1ª columna:) Gundesindus Menendiz (signum):- Guttier Munioni cfr.- Hermesinde Munioni cfr.- Santius serenissimus princeps cfr1.

(2ª columna:) Gundesindus Abratanizi ts.- Hoduarius Gualamirizi ts.

(3ª columna:) Sandinus confessor ts.- Lubilani presbiter ts.- Rudesindus confessor ts.- Egeredus magister confessor ts.- Hermegildus confessor ts.- Arias Pelaiz confessor ts.- Hodoynus confessor ts.- Iohanne Florenti ts.- Gutinus confessor ts.- Venariufi diaconus ts.- Scemenus diaconus ts.

(4ª columna:) Hermigildus abba ts.- Manillani presbiter ts.- Ariani diaconus ts.- Bonimentius diaconus ts.- Trasaricus confessor ts.

(5ª columna:) Ariton abba ts.- Vidragildus presbiter ts.- Erus confessor ts.- Velascus confessor ts.- Froila confessor ts.- Alvarus confessor ts.- Francemirus presbiter ts.- Stephanus confessor ts.- Egeredi diaconus ts.

Sub nutu divino et eius manere gratuito. Ego Fredulfus episcopus provincie huius monasterii et sedis Auriense duactu gerens et hanc seriem scriptura confirmans (signum).

1 Incluído entre as testemuñas.