GMH/ÍNDICE A-Z

760
1163/12/10. Santiago de Compostela.

O arcebispo don Martiño, co consello do deán don Pedro Pardo, do arcediago don Pedro Estévez e do resto do cabido compostelán, dálle licencia ó mosteiro de Toxos Outos para recibi-la doazón que da igrexa de S. Fins de Sieira fai o irmán García.

B.- Tombo, ff. 187v-188r.

Carta et confirmacio archiepiscopi domni Martini de ecclesia Sancti Felicis de Sieyra.

Digna et justa res est et episcopali congruit dignitati ut monasteria per sue sedis auctoritatem semper acquirant et per licenciam episcopalem res ecclesiasticas accipiant, et justum est igitur ut litterarum testimonio hoc quod facimus confirmetur ne posteri ignorancia inde incurrant in culpam vnde nos speramus habere gloriam. Idcirco ego Martinus, Dei gratia compostellane sedis archiepiscopus, vna cum consensu nostri decani Petri Pardi et archidiaconi Petri Stephani et multorum nostre sedis canonicorum comuniter mandamus et concedimus vobis domno abbati Arie monasterii Sancti Justi et omnibus fratribus ipsius monasterii presentibus et futuris recipere et habere in uestro jure ecclesiam Sancti Felicis de Syaria in terra Pistomarchos per hanc nostram licenciam cum omnibus suis directuris et hereditatibus que ad eam pertinent intus et foris, et sitis semper reformati in ea in uice et uoce fratris Garsie qui eam restaurauit et per multos annos habitauit et nunc suo grato animo et suo rogatu in uestro iure et dominio per nostram licenciam dimittit vt per uestros fratres uel clericos locus ipse semper populetur et non deficiat sicut olim mul- // -tociens ut dicunt et per uos ab omni heredum uoce et requisitione semper defendatur, et quia ipse frater Garsia propter maledictas prauorum hominum ling<u>as in ipsa ecclesia stare non uult et Iherosolimam pergit et desiderat ut uos ipsam iamdictam ecclesiam habeatis et in uestro iure sit semper ita, et nos tam propter Deum tam propter uos tam propter ipsum religiosum fratrem qui hoc obnixe deprecatur concedimus et det uobis omnes scripturas ipsius ecclesie, et faciat uobis suas litteras ex hoc ut sciant posteri quomodo ipsam ecclesiam habuistis. Siquis autem ex aliqua parte licet contradicere uel irrumpere temptauerit ex parte Dei omnipotentis et nostre auctoritate sit maledictus et excomunicatus et mille solidos pariat et eius calumpnia sit cassa; et hec nostra scriptura in eternum ualituram.

Era I CC I et quotum IIIIo idus decenbris.

Scripta fuit hoc coram his et aliis multis testibus.

1ª Columna:
Q. p. f.: Johannes, ts. Martinus, ts. Pelagius, ts.

2ª Columna:
Petrus Garsie, magister operis, conf. Cresconius Enigiz, conf. Nuno Iohannis, conf. Didacus Pelaiz, conf. Froyla Troca, miles, conf. Munio Falcon, miles, conf. Sanio Petri, miles, conf.

3ª Columna:
Ego magister Tudinus, canonicus, conf. Petrus Arnaldus, canonicus, conf. Johannes Ordoniz, canonicus, conf. Johannes Gotifrigus, canonicus, conf. Didacus, presbiter, conf. Froyla, presbiter, conf.

4ª Columna:
Ego Petrus Pardus, ecclesie Beati Jacobi decanus, conf. Petrus Stepani, archidiaconus, conf.
Johannes, clericus subdiaconus, qui notuit.