GMH/ÍNDICE A-Z

298
1100/ 06 / 14
As irmás Ilduara e Gotoni dóanlle ó abade Pedro e ó mosteiro de Celanova, as súas herdades en Toderedie Erosello, reservándose o uso das mesmas durante as súas vidas.
TC, fol. 116r.
IN NOMINE Domini et miseratoris Dei altissimi sancta Trinitas qui est inseparabilis Deus Patris et Filius et Spiritus Sanctus, regnantis in secula seculorum amen. Nos quidem indigne adque exigue Ilduara et soror mea Gotoni ex patre et matre generati Pelagio. Cum peccatorum nostrorum mole gravate et recordatione morum nostrarum oppresse et propter amorem vite celestis, donamus et offerimus ad domum Domini monasterii Cellenove et pater spiritalis abba domni Petri qui preest congrationi huius, damus et concedimus hereditates nostras qua habuimus ex successione avorum et parentorum nostrorum, id est Tuderedi et Erosello medio qui iacent in territorio Psallare et rio Caldo, et determinat per monte de Iunias et dividet per archas de Iunias et dividivit inter Sallare et Barroso et per Riquilanes usque in termino de Randini; et villa de Erosello iacet in rio Caldo subtus Ogeres, discurrente rivulo Maravaia et Aventes et feret in termino de Lovios et de alia parte usque in Roccas. Servata racione, ut teneamus illas hereditates ex vestro dato in nostra vita et recipiamus in eas vestro maiorino, post discessum vero nostrum sint intemeratas et salvas sicuti in testamento resonat post parte monasterii Cellenove pro animabus nostris et parentum nostrorum, ut habeant inde servis Dei temporale subsidium et nos ante Deum premium sempiternum. Si quis tamen aliquis homo propinquis aut extraneis hunc testamentum violare temptaverit, sit anethematus et cum Iuda Domini proditore habeat penas interitu in eterna damnatione et insuper pariet post parte regis vel ipsius monasterii auri talenta et hunc testamentum plenam obtineat firmi roborem in seculum seculi.

Factum testamentum XVIII kalendas Iulii. Era M C XXXVIII.

Nos vero qui hanc series testamenti scribere mandamus manus nostras gratanter iniecimus (signum).

(1ª columna:) Iohannes prior et presbiter cfr.- Santius presbiter cfr.- Petrus presbiter cfr.

(2ª columna:) Petrus diaconus cfr.- Velascus diaconus cfr.- Alvaro diaconus cfr.

(3ª columna:) Prepositus Gaudilani cfr.- Gundesindus conversus cfr.- Alm\a\chius conversus cfr.

(4ª columna:) Petrus ts.- Menindus ts.- Godesteus ts.

Iemondus prior notuit (signum).