GMH/ÍNDICE A-Z

166
1236/06/20.

Mandas testamentarias de María Anáiaz.

B.- Tombo, f. 63r.

Testamentum Marie Anaye de hereditate de Crespos.

In Dei nomine. Sub era Ma CCa LXXa IIIIa et quotum XIIo kalendas iulii. Ego Maria Anaye graui infirmitate detenta adhuc plena memorie existens uolo ut omnia mea post obitum meum remaneant ordinata. In primis mando corpus meum sepeliri in monasterio Sancti Iusti, et mando ibi mecum quantam hereditatem habeo in Crispos, sed filius meus Johannes Fernandi teneat eam in tota uita sua et ad suam mortem remaneat ipsa hereditas monasterio Sancti Iusti liberam et quitam tam ab omni uoce ipsius quam ab omni alia calumpnia, et monasterium possideat eam imperpetuum iure hereditario. Mando magistro meo Petro Bello unum quartarium de pane, et cetera. Et mando omnia bona mea Johanni Fernandi, filio meo. Siquis ex parte mea uel ex aliena contra hanc meam mandationem uenerit ad irrumpendum ipsam pariat D solidos et insuper sit maledictus usque in septimam generationem et sustineat penas infernales cum Datan et Abiron et diabolo et angelis eius.

Ego Maria Anaye in hac mandatione roboro manus meas.

Q. p. f.: Petrus Belus de Sancto Felici. Martinus Iohannis, clericus de Dumariz. Munio Gudestei de Sancto Felici, clericus. Matheus de Sancta Cruce, clericus. Johannes Arie de Sancta Cruce. Johannes Carrus de Sancta Cruce. Johannes de Ialis, miles. Petrus Coi de Uruna. Garsia Petri de Berris. Petrus Uacarius.

Ego Petrus Iohannis, monachus, scripsi per mandatum Martini Iohannis,  clericus de Dumariz, in cuius manibus fuit roborata. (Signum).