GMH/ÍNDICE A-Z

520
1069
Bermudo dóalle ó mosteiro de Celanova e ó abade Pelaio a súa herdade en Prado, entre Alvarín e Tructín, reservándose o usufructo da mesma perante a súa vida.
TC, fol. 178v.
In nomine Domini. Ego Veremudus prolis Lezenzoiaz, una cum uxore mea Muninna, tibi patri nostro Pelagius abba vel fratribus monasterii Cellenove qui tecum in servicio Dei permanent in Domino semper salutem amen. Mos quippe extat felicium servientibus Deo aliquit tribuere unde tibi commoda celestia conquirant. Qua propter eo modo nos instituti concedimus vobis post nomine nomini Domini Salvatoris nostri, hereditatem nostra propriam quos emimus de domna Ilduara et filiis suis, et dedimus ad eos pro illa cav\a\llo baio in solidos Cm. Et est ipsa villa vocitata Prado, et iacet in loco predicto inter Tructini et Alvarini subtus monte Ollanes, vocabulo eclesie sancte Marie, et de alia parte sancte Leocadie, discurrente arrogio Berredo per suis terminis et locis antiquis quomodo venit in portione ad ipsam domna Ilduara de avorum et parentorum suorum, medietatem de ea sic vobis eam damus atque concedimus ad ipsum locum sanctum pro remedium animabus nostris ut habeant inde servis Dei temporale stipendium et nos ante Deum premium inconvulsum. Ita ut ab hodierno die et tempore maneat ipsa hereditate de iuri nostro abrasa et in iure monasterii sit tradita atque confirmata, et si fuerit mercis vestra ut teneamus illa in nostra vita de vestro dado, et post obitum vero nostrum tornet se ad ipsum locum sanctum cum quantum ibi fuerit. Neminem quidem hordinamus propinquis vel extraneis qui ibidem vobis aliquando in tempore contra hec factum nostrum disturbationem nec inmodico faciat, quod qui fecerit anathema sit, et maneat ab omni catholicorum cetu extranus, et cum Iuda habeat participium in eterna damnatione. Et ante hic pro temporali aflictione quoactus ante tribunal iudicis rex in duplum sedeat quod simplum invadere temtaverit, et hanc scriptam roborem firmitatis perenniter obtineat.

\Facta scriptura [ in Iglesuela ] sub Era M C VII\

Ego Vemudus una cum uxore mea in hanc scriptura testamenti manus nostras (signum).

Qui presentes fuerunt: Adefonso ts. Pelagio ts. Veremudo .

Seniorinus notuit (signum).