GMH/ÍNDICE A-Z

135
1104/ 02 / 19

Martín Peláez e a súa muller, véndenlle ó mosteiro de Celanova e ó abade Pedro, unha herdade en Matamá, que recibiran polo seu casamento.

TC, fol. 50v.

In Dei nomine. Ego Martinus Pelaiz et uxor mea Eilo Pelaiz vobis abbati domno Petro in Domino Deo eternam salutem amen. Denique placuit nobis bone pacis voluntas non invitus, sed propria nostra voluntate ut iam dictis faceremus de hereditate nostra propria quam mihi dederunt in casamento cum uxore mea. Et abet iacentiam in loco predicto Matamala subtus monte Silva Scura discurrente rivulo Deva, vocabulo eclesie sancta Maria. Damus vobis eam atque concedimus sic quomodo eam obtinuerunt aviorum et parentum nostrorum, et nos usque odie cum cunctis suis prestantiis, casas, torquilares vel in torculares, terras cultas et incultas, petras mobiles vel immobiles, aquas aquarum vel sesigas molinarum, pascuis, paludibus, exitus montium, discessum vel regressum qui ad illam villam pertinent per suos terminos et locis antiquis, abeatis vos illa firmiter pro pretio bono et obtimo quod nobis et vobis bene complacuit. Id est X solidos de denarios et V modios in pane et vino, et vos dedistis et nos accepimus et de odie die aput vos nichil remansit indebitum, sed omnia implestis, et de odie die sedeat ipsa hereditas de iuri nostro abrasa et in vestro dominio sit tradita vel confirmata, vendendi, donandi, faciatis de illa que vobis fuerit voluntas, et de nos abeatis licentiam et Deus omnipotentis adiutorium. Si quis tamen, aliquis homo contra istam cartulam venditionis ad irrumpendum venerit vel venerimus, et in concilio nos auctorgare noluerimus, pariemus vobis ipsam hereditatem duplatam vel triplatam sine quantum a vobis fuerit meliorata.

Facta kartulam venditionis die quod erit XIº Kalendas Martias. Era M C XLII.

Ego Martinus et uxor mea Eilo in hanc kartulam manus nostras roboramus.

Qui presentes fuerunt, pro testes: Petro ts. Santio ts. Monnio ts.

Qui confirmans: Prepositus Sendinus cfr. Prior Iohannis cfr. Auriolus presbiter cfr.

Alvarus qui notuit.