GMH/ÍNDICE A-Z

B 28

1467, xullo, 1.
Executorias da precedente bula do papa Pío II (1458-1464) feitas por Fernando Basanta, arcediago de Abeancos, relativas á provisión do beneficio de San Martiño de Figueiras.
A, perg., con signo notarial e orificios do cordón, de 330 x 465 mm. O documento está mutilado e só contén as últimas liñas da referida bula, xa transcrita, á que segue o escrito que se transcribe a continuación.

Cum itaque prefatus Rodericus Alfonsi ut ex eius confessione et relacione accepimus parochialem ecclesiam sancti Mametis de Oyras dicte mindoniensis diocesis / cuius fructus et cetera quatuor florenos auri de camera secundum communem extimacionem valorem anuum non excedunt obtineret quia fructus eorum predicti ad eius congruam sustentacionem non sufficiebant parochialem ecclesiam sancti Martini / de Figueyras vulgariter nuncupate dicte mindoniensis diocesis cuius parochia parochie dicte ecclesie sancti Mametis contigua et inmediata existit cuius eciam fructus vnum alium florenum auri similem secundum eandem extimacionem valorem / annum ecciam non excedunt vna cum dicta sua parochiali ecclesia sancti Mametis absque canonico titulo et legitima dispensacione assecutus fuit et sicut utramque simul tenuit et possedit tamquam coroza intrusus et illicitus detentor super que nobis / humiliter supplicauit vt cum eo autoritate apostolica nobis in hac parte commissa vt easdem ecclesias quarum fructus vix ad eius sustentacionem et ad supportandum alia honera sufficiunt simul retinere et possidere dispensare dignaremur. Nos / igitur Fernandus predictus habita plena informacione de vero valore dictarum ecclesiarum quia quinque florenos auri de camera annuatim non excedunt considerantes quod fructus ecciam vtriusque ad ipsius sustentacionem et onera in/cunbencia predicta sufficiunt et ideo cum eo super fructus male perceptos nuncius agentes facta tamen cum eo aliquali cuncordia pro camera apostolica de consilio et assensu venerabilis viri domni Gomecii Fernandi de Viuero cardenalis ecclesie / compostellane qui vnus ex ipsius ecclesie capitularis existit de fructibus male perceptis et leuatis ipsum Rodericum ad captelam ab omni irregularitatis macula et infamie nota absoluentes et absolutum fore censentes ac ipsas / irregularitatis et infamie maculam et notam penitus abolentes consideratis premissis super quibus plene informati fuimus ecclesias predictas sancti Mametis et Martini et quamlibet earum prefato Roderico Alfonsi per / nostri birreti capiti suo imposicionem dicte autoritate apostolica ad uitam suam duntaxat contulimus et asignauimus \ ac tenore presencium conferimus et asignamus / et de nuncii(?) eorum vt utramque insimul retinere et habere et fructus earum et cuiuslibet ipsarum percipere et leuare valeat quoad / vixerit quoties opus est dicta auctoritate apostolica dispensauimus et per presentes dispensamus. Itaque liceat ipsi Roderico earum possessionem apprehendere abere et tenere ac fructus redditus et prouentus earum ecclesiarum vsus conuertere libere et / licite valeat dum tamen earum et cuiuslibet ipsarum cura animarum in eas non negligatur sez illis bene et laudabiliter seruiatur et onera ipsis ecclesiis incunbencia debite suportentur. Quocirca vniuersis et singulis ad quem / vel ad quos pertinet seu pertinere poterit quoquomodo tenore presencium mandamus vt dictus Rodericus Alfonsi ad corporalem realem et actualem possessionem huiusmodi parochialium ecclesiarum juriumque pertinenciarum ipsarum absque difficulta/te et contradiccione aliquali quatinus opus est admitant sibique de omnibus et singulis fructibus redditibus prouentibus juribus et obuencionibus vniuersis plenarie et integre respondeant. Quod si forte premissa omnia et sin/gula in dictis litteris apostolicis et nostris contenta debite requisiti non adinpleuerint totaliter cum effectu et contradictores et rebelles fuerint in premisis aut contradicentibus prebuerint auxilium consilium uel fauorem nisi infra sex / dies inmediate sequentes quorum sex dies duos pro primo duos pro secundo et reliquos duos dies pro tercia et canonica monicione assignamus a contradiccione rebellione impedimento auxilio et fauore huiusmodi totaliter destiterint sin/gulariter in singulos excommunicacionis in capitulum vero siue conuentum suspensionis et in ecclesias siue monasterium predictas interdicti sentencias ferimus in hiis scriptis et ecciam promulgamus ac vniuersis abbatibus prioribus prepositis decanis archidiaconis / et presbiteris curatis et non cuaratis eclesiarum cathedralium canonicis aliisque personis ecclesiasticis exemptis et non exemptis ac clericis et notariis publicis vbilibet constitutis commitimus et mandamus quatinus dictum Rodericum uel procuratorem / suum pro eo in et ad corporalem realem et actualem possessionem dictarum ecclesiarum iuriumque et pertinenciarum earumdem inducant et defendant indictum sibique faciant de ipsarum parochialium ecclesiarum sanctorum Mametis et Martini frutibus redditibus / prouentibus juribus et obuencionibus vniuersis plenarie et integre responderi contradictores auctoritate nostra ymmo uerius apostolica conpescendo. Quod si forsam debite requisiti facere noluerint distulerint quo/quomodo in ipsos et quemlibet eorum sentencias nostras superius descriptas dictorum terminorum et canonica monicione premissis ferimus in hiis scriptis et eciam promulgamus. In quorum omnium et singulorum fidem et testimonium premissorum presentes literas seu / hoc presens publicum instrumentum huiusmodi nostrum processum continentes exinde fieri et per notarium publicum infrascriptum subscribi et publicari mandamus nostroque nomine roboramus ac sigilli appensione fecicmus communiri. / Date et acte in ciuitate compostellana prima die mensis julii sub anno a natiuitate Domini millesimo quadringentesimo sexagesimo septimo presentibus ibidem venerabilibus et discretis viris domnis Roderico Velasci porcio/nario ecclesie mindoniensis ac Menendo Gundisalui rectoris parochialis ecclesie sancte Marie Grandia villa de Ponteveteri et Alfonso Pelagii clerico familiari domni Gomecii Fernandi de Viuero cardinalis ecclessie compostellane testibus / ad premissa vocatis specialiter et rogatis ac tenorem presencium conferimus et assignamus.
FERNANDUS BASANTA, ARCEDIANUS santissimi domni nostri subdiaconus et apostolice Sedis nunpcius.
Et ego Gundisaluus Johannis Manso presbiter compostellanus publicus apostolica auctoritate notarius pre/missis omnibus et singulis supradictis dum sic vt premititur agerentur dicerentur et fierent vna cum prenotatis / testibus presens interfui eaque omnia et singula sic fieri vidi audiui et in notam recepi ex qua in hanc / publicam formam reddegi signoque et momine meis solitis et consuetis vna cum prefati domni Fernandi Basanta / archidiaconi atque nunpcii apostolici subcripcione ac sigilli appensione signaui in fidem et testimonium omnium et singulorum premi/ssorum rogatus et requisitus. Constat michi notario de verbis super rasuram scriptis vbi dicitur “censuras et penas et apostolorum eius se nouerint incursuros” qui non vicio sed errore fuerunt omissa eciam constat notario predicto / de verbis inter lineas scriptas vbi dicitur “ac tenore presencium conferimus et assignamus”. Gundisaluus Johannis Manso notarius apostolicus (Rúbrica). (Signo; na súa base lese: Jo. Manso notarius apostolicus).

(Reverso):
... posidere retinere ecclesie sancti Martini de Figueyras mindoniensis diocesis facta et concesa per quendam nuncium apostolicum.