GMH/ÍNDICE A-Z

279
1096/ 03 / 31
Pelaio Aloitiz dóalle ó mosteiro de Celanova e ó abade Pedro, unha herdade en Monte Longo e unha villa en Varzeneses, polo remedio da súa alma.
TC, fols. 109v. - 110r.

In nomine Patris et Filii et Spiritu Sancti regnantis in secula seculorum amen. Igitur ego Pelagio Aloitiz tibi pio hac redemtori meo in cuius honore et nomine monasterio ab omni cetu est vocatum Cellenovensis et tibi pater spiritalis Petri abbati seu etiam et fratribus qui tecum una pariter in ipsum locum in vita sancta perseveraverint et in religionem Christi steterint, et ideo placuit mihi casto animo et prona voluntas ut per remedium anime mee do adque concedo ad ipsum monasterium sanctum hereditate in Monte Longo determinata per Portella de Ruviales, de alia parte in Inscalario et in Pica\u\zo, et inde in mamona in supercela. Adicio etiam et in Varzeneses alia villa determina cum villa media, et divide per illa Porcaria et include per ripa de Limia. Comparavi illa de Monte Longo de Didaco Randemiriz, et accepit de me precio quem bene complacuit, id est centum solidos. Alia vero hereditate de Varzenes comparavit illa de Petro Alvariz sic in C solidos. Concedo eas per anima mea ad monasterium Cellenove cum omnibus suis adiacenciis et limitibus adque terminis antiquis sit post parte monasterii, et ego ante Deum premium inconvulsum. Si quis tamen, quod fieri non credimus, aliquis homo ad irrumpendum venerit vel venerimus, propinquis vel extraneis qui hunc factum nostrum voluerit infringere quod ego gratanter Deo offero quisquis ille fuerit, sit anatematus et cum Iuda Domini proditore lugeat penas inferni, insuper inferat aule sancte tantum et aliut tantum quantum auferre inde conaverit.

Factum series testamenti IIe kalendas Aprilis. Era M C XXXIIII.

Ego Pelagio Aloitiz in hunc testamentum manu mea roboravi (signum).

Prepositus Gaudilani cfr. Prioris Gundesindus cfr. Pelagio Petriz cfr. Domnus Sendinus cfr. Martinus Kera cfr. //

(1ª columna:) Petrus presbiter cfr.- Auriolus presbiter cfr.- Moninus presbiter cfr.- Item Petrus presbiter cfr.- Milianus presbiter.

(2ª columna:) Fredenandus presbiter cfr.- Gundesindus presbiter cfr.- Iohannes presbiter cfr.- Pelagio presbiter cfr.- Eiricus presbiter cfr.

(3ª columna:) Ero Fieliz cfr.- Velasco Muniz cfr.- Alvaro Fernandiz cfr.- Uxore sua nomine Eldonza cfr.- Filiis suis Rudesindo Pelaiz cfr.- Munino Pelaiz ts.- Menindo Pelaiz cfr.- Vimara Pelaiz cfr.

Sancius diaconus et clientis Cellenove sub regimine domni Petri abbati me esse scripti et cfr (signum).