GMH/ÍNDICE A-Z

Referencias da busca neste documento para: Colección diplomática medieval do Arquivo da Catedral de Mondoñedo

219
941/ 08 / 11
O rei Ramiro II concédelle ó bispo Rosendo e ó acabado de crear mosteiro de Celanova, varias villae e igrexas para que sirvan como sustento material dos monxes deste cenobio.
TC, fols. 79r. - 79v.1
Christus. Salvatori omnium et redemptori, cuius sanguine pretioso se mundus congaudet redmptus, quem omnigena rerum sibi suum collaudat Dominum unum, qui regna celum terram regesque potestas, qui humilibus nunc et in evo gratiam dare promittis, qui superbis librato resistis ac eorum superbie ducem censura regia prostras, qui humanum genus cotidie nasci ad lucem vel iterum reverti in cinerem mandas, qui omnium te deprecantium ut pius pater exaudibilem prestas auditum. Suspice queso precem tui licet indigni famuli Ranimiri tuo munere regali sede indeptus, et ea que tibi servientibuset iuste nomen tuum invocantibus dare decerno tam quam tibi ipsi dando gratiam propria, quo datio pavidi interennur offerre, nisi tuis roboraremur alloquiis qui dixisti, quamdiu aliquid ex minoribus meis feceritis mihi facitis. Etenim nulli ambiguum est clementie nostre consulens pintifex Rudesindus episcopus construxit monasterium quod vocant Cellanova atque in eum monachorum congregationemdeiere fecit regulis patrum norma tenentes, quod et petitioni eius faventes, et nobis in celestibus lucra providentes dum ab hac luce extiterimus vocati. Concedimus ipso monasterio vel pro eorum stipendiis, qui ibidem in vita sancta militaverint qualiter eorum suffragio salvari mereamur in die mala. Idest damus et firmamus / ibidem villas in ripa Minei Fegio cum suos vicos Arenti et Castrello cum suas piscarias vel omnis in giro terminos, sive et alia quam inquiunt Petragio ab integro per suos in omni giro terminos subtus oppido Litorie existente. Aditimus etiam sic in ripa Minei villam quam inquiunt Porto Abbati simul et ipsum portum nec non et eclesias quarum vocabula sunt Sancta Maria cum villa Berreto, Sancta Eogenia et Sanctum Martinum et Sanctum Andre; alias Sanctum Romanum, Sancta Marina in Envolati, Sancto Iacobo in Laureto; item Sanctum Martinum in Portum Titi. Omnes has ecclesias vel villas per omnes suos terminos antiquos, secundum eas prehendidit Senior abbas de stirpe cuncta post partem Dei et predicti monasterii ab omni integritate concedimus ex presenti die et tempore. Quo si hoc testamentum damus et confirmamus et maiestatem Domini in medium statuimus quod numquam contra hanc testationem ad irrumpendum venire temptemus. Si quis sane ex successoribus nostris vel cuiuslibet alicuius persona potentior aut inferior hoc factum nostrum infringere quiverit, quicumque ille fuerit sit excommunicatus et perpetua confusione multatus in conspectu Dei patris omnipotentis et sanctorum angelorum, apostolorum, martirum eius, et insuper cum Iuda Domini proditore uno contubernetur in loco in tenebris exterioribus et caligosis, atque pariet tantum et aliut tantum quantum infringere quiverit, et hec scriptura plenam abeat firmitatem.

Facta series testamenti die III Ydus Augusti. Era D CCCC LXX VIIII.

Ranemirus nutu divino rex hoc vero cfr. Hurraca regina cfr. Hordonius prolis regis cfr. Santius prolis regis cfr.

Sub Christi nomine Ovexxus Ovetensis episcopus cfr. Sub Christi nomine Hermegildus Dei gratia episcopus cfr. Sub Christi nomine Frunimius episcopus cfr. Sub Christi nomine Oveccus episcopus cfr. Sub Christi nomine Salomon episcopus cfr. Sub Christi nomine Dulcidius episcopus cfr. Hordonius prolis domni Adefonsi regis cfr.

Hordonius serenissimus princeps hanc concessionem a genitore hactam confirmo.

1 Este documento está tamén copiado nos folios 89v.-90r. do Tombo, dentro dun diploma datado no ano 1065; Cfr. Doc. 249.