GMH/ÍNDICE A-Z

Referencias da busca neste documento para: Tombo de Celanova

473
1013/ 02 / 02
Raiolo e a súa dona Zenosenda dóanlle ó abade Aloito e ó mosteiro de Celanova, con reserva de usufructo, a súa herdade na villa de Sampir para satisface-lo pago dun renovo. No mesmo documento Deiservo e a súa muller Lovegodo fan o mesmo e polas mesmas razóns que o matrimonio antes citado.
TC, fols. 164v. - 165r.

Ed. por GARCIA DE VALDEAVELLANO, L., "El renovo", op. cit., doc. VI, 435-436.

TESTAMENTUM DE SANPIR.

In Dei nomine. Ego Raiolo et uxor mea Zenosenda vobis domni Aloiti abbati et preposito vestro domno Guttier et fratribus monasterii Cellenove, in Domino Deo eternam salutem. Placuit nobis bone pacis et volumtas, sano animo integroque consilio et spontanea nostra accessit volumtas, ut faceremus vobis sicut et facimus kartula de omnem nostram hereditatem quantam visus sumus habere sive de avorum et parentorum nostrorum quomodo et de comparatella, seu de ganantia vel fundato pro ubi illa vobis delimidavimus, et coram testibus adsignavimus, per ubi ea potueritis invenire per suis terminis antiquis. Et est ipsa villa quod nunccupant Sanpir, subtus monte Sauto Manko, iusta rivulo Ossos, vocabulo Sancti Vereximi. Damus vobis ibidem in ipsa villa domos, torcular, terris, vineis, pomiferis, exitus montium, accessu vel regressu, aquis aquarum cum aductibus et prestationibus suis quantum ad prestitum hominis est in ipsa villa. Damus vobis in ipsa villa pro vestro renovo que vobis habemus ad dare et non habemus unde illo complere, in pane et bibere modios CCCC XX et III quartarios II et sestario I, et laxastis nobis illo renovo pro ipsa villa que vobis inkartamus et pro remedio anime nostre, et que sedeamus in ipsa villa et laboremus et parciamus vobiscum per medio ad area et ad lagare, et de omnem fructum quod in ipsa villa Dominus dederit, et post obitum vero nostrum sic sedeant nostros filios et neptos in ipsa villa, et laborent ea et parciant vobiscum sicut superius resonat, et in quo vobis fecerint vobis servicium quod animus vester adheserit. Similiter et ego Dei servo et uxor mea Lovegodo sic facimus vobis alia kartula de omnem nostram hereditatem quantum visus sumus habere sic de avorum et parentorum nostrorum quomodo et de parentela //vel de ganantia vel fundata in Amberoz quanta ibidem habemus seu in Sampiro nostram rationem quantum inde nobis competet inter meos iermanos in domos, vineis, terris, pomiferis, exitus montium, accessu vel regressu, aquis aquarum cum aductibus et prestationibus suis et in sesigas molendinarum, et damus ipsa villa sic pro vestro renovo que non habemus unde vobis illo complere, id est pane et bibere modios CCCC XX et III quartarios et sestario I. Et facimus vobis ipsa kartula ut in vestra vita tamdiu vixerimus, sedeamus in ipsa villa et laboremus, fundemus et adpligemus, et demus vobis ad area et ad lagar medium de omnem fructum quod Dominus in ipsa villa dederit. Et post obitum vero nostrum sedeant filiis nostris et neptis in ipsa villa, et laborent et parciant vobiscum per medio, et in que vobis fecerint servicium quod vobis placitum fuerit. Si quis tamen, quod fieri minime credimus, ut aliquis homo contra hanc kartula firmitatis ad inrumpendum venerit vel venerimus, tam de gens nostra, propinquis vel extraneis, quisquis ille fuerit, pariet vobis ipsas villas duplatas vel quantum ad vobis fuerint melioratas.

Facta kartula firmitatis quarto Nonnas Februarii. Era L prima post Milesima.

Raiolo et uxor mea, Dei servo et uxor mea, in hanc kartula firmitatis manus nostras roboramus (signum).

Qui presentes fuerunt: Sando Sendamiriz ts. Conto ts. Genetivo ts. Donino ts. Davi ts. Mandino ts.