GMH/ÍNDICE A-Z

Referencias da busca neste documento para: Os documentos do Tombo de Toxos Outos

500
1219/10/12. Santiago de Compostela.
Furtado Pérez nunha metade e Maior Muñiz co seu marido, Fernando Eáns,  e o irmán de Maior, Adán Muñiz, noutra metade, véndenlle ó mosteiro de Toxos Outos toda a herdade que teñen na vila de Comparada, en Sta. Eulalia de Vilacova, por douscentos tres soldos leoneses.

B.- Tombo, f. 139v.

Carta de Furtado Petri et de uxore sua de hereditate de Comparade.

In nomine Domini nostri Ihesu Christi. Notum sit omnibus presentem paginam inspecturis quod nos Furtadus Petri et Maior Muniz et uir meus Fernandus Iohannis, miles de Couso, et Adam Muniz, frater dicte Maioris, filii Munionis Mauri, et omnis uox nostra grato animo et spontanea uoluntate vendimus et firmiter concedimus monasterio Sancti Justi de Tribulis Altis omnique uoci sue pro precio uobis et dicto monasterio complacabili, videlicet CC III solidis legionensis monete, quantam hereditatem habemus et habere debemus in villa de Comparadi tam de auolencia quam de ganancia concurrentem ad ecclesiam Sancte Eolalie de Villa Coua. Et sciendum est quod istius hereditatis predicte ego Furtadus Petri uendo medietatem et nos Maior Muniz cum uiro meo predicto et Adam Muniz pro nobis et pro Petro Muniz, fratre nostro, alteram medietatem. Abinc igitur usque in secula seculorum predictum monasterium et uox sua integra habeat et pacifice pos sideat totam predictam hereditatem cum omnibus suis directuris ubicumque fuerint im predicta filigresia per suos terminos et diuisiones antiquas eidem hereditati pertinentibus. Ita quod omne uelle suum de ea imperpetuum faciat quia nec de precio nec de robore penes predictum monasterium rema<n>sit aliquid persoluendum.

Siquis igitur contra hanc uendicionem nostram ad irrumpendum uenerit quisquis fuerit qui talia commiserit persoluat dicto monasterio CCCC VI solidos fortis monete; carta et uenditione nichilominus in suo robore permanentibus.

Facta carta IIIIo idus octobris sub era Ma CCa LVIIa.

Nos iamdicti in hac carta manus nostras.

Q. p. f.: Fructuosus Thome, iusticiarius; Johannes Guymarez de Moneta Noua; Martinus Pelaiz Longus de Moneta Magna; Michael Petri de Moneta Magna;  Petrus Sarzalius.

Ego Martinus Iohannis, publicus compostellane ciuitatis notarius, scripsi.