GMH/ÍNDICE A-Z

298
1156/04/01.

Froila Páez véndelle ó mosteiro de Toxos Outos toda a súa herdade na vila de Babenzo, en S. Xulián de Bastavales, por cincuenta soldos mergulienses, trinta dos cales páganselle ó cenobio compostelán de S. Martiño de Fóra para cumpri-la manda feita pola súa nai, Godo Páez.

B.- Tombo, f. 95v.

Carta de Bauenzo in Bastauales.

Scriptum prope habemus, et cetera. Qua propter ego Froyla Pelaiz et omnis uox mea vobis abbati domno Pelagio monasterii Sancti Iusti omnique conuentu monachorum eiusdem et omni uoci uestre facio scriptum firmitatis et carta testamenti ac uendicionis de omni illa hereditate que mihi conuenit in villa uocitata Bauenzo Inferiori concurrente ad ecclesiam Sancti Juliani de Bastauales, territorio Amaya, que hereditas mihi conuenit ex parte matris mee Godo Pelaiz et aui mei Pelagii Froylaz et uxoris eius Godo Erit. Ipsa uero mater mea ad obitum suum dimisit eam mihi tali pacto ut pro eius anima darem monasterio Sancti Martini ubi sepulta manet solidos XXX, et tunc esset hereditas illa supradicta mea integra et libera hanc prefatam meam hereditatem integram de auolencia in Inferiori Bauenzo et de ganancia in Bauenzo Mediano sicuti meo est plantata cum suo homine de creatione et cum omnibus bonis et directuris suis videlicet cum casis, casalibus et cetera; ab integro do et firmiter concedo uobis et monasterio uestro pro solidis La merguliensis monete, solidos XXX scilicet quos monasterio Sancti Martini paccastis sicuti mater mea mandauit pro eius anima, et solidos XXi quos mihi dedistis quod mihi et uobis satis complacuit. Deinpceps uos et monasterium uestrum eamdem hereditatem cum omnibus suis directuris habeatis, et cetera, per cuncta seculorum secula. Hanc siquidem hereditatem cum omnibus suis directuris supra nominatam uobis et monasterio uestro do pro supradictis La solidis quos mihi desdistis, et etiam quod maius est pro anima matris mee et patris mei ac parentum meorum. Quod si ego uel aliquis meus propinqus uel extraneus contra hoc meum spontaneum factum ad irrumpendum uenerit uel uenero quicumque fuerit pariat uobis et monasterio uestro solidos CC et quod in calumpnia miserit duplatum componat; et hoc meum factum semper maneat in robore.

Facta carta testamenti et uendicionis in die kalendarum aprilis, era Ia Ca LXLa IIIIa.

Ego iamdictus in hac karta manibus propriis roboro et confirmo.

Q. p. f.: Petrus, ts. Pelagius, ts. Johannes, ts. Ego Froyla Pelaiz, confirmo. Cresconius Pinctus, conf. Petrus Pintus, conf. Pelagius Queyxada, conf. Ferrus Accutus, conf.

Petrus Albus, clericus, notuit et conf.