GMH/ÍNDICE A-Z

Referencias da busca neste documento para: Os documentos do Tombo de Toxos Outos

437
1176/01/17.
Raimundo Bonifacio e a súa muller, Auroana Eáns, cos seus fillos véndenlle ó mosteiro de Toxos Outos a súa porción na igrexa de S. Pedro de Herbogo por tres marcas de prata da cóenga e oito soldos anxovinos.

B.- Tombo, ff. 125v-126r.

Carta de ecclesia Sancti Petri de Oruogo de Reymundo Bonifacio et de uxore sua Auroana Iohannis.

In nomine Domini nostri Ihesu Christi, amen. Ea que uenduntur, et cetera; vnde ego Reimundinus Bonifacius et uxor mea Auroana Iohannis et filii et filiabus nostris et omnis uox nostra vobis domno Petro de Togis Altis abbas et uniuersis monachis eiusdem monasterii et omnibus uocibus uestris facimus textum scripture firmitatis et kartulam vendicionis de portione mea integra ecclesie Sancti Petri de Oruogo que habuimus de ganantia et ganauimus eam de archidiacono Fernando Curialis, et damus inde uobis ipsa nostra portione sicuti in nostra kartula resonat in ipsa kartula per quam ganauimus cum Johanne Uistilatat et cum Johanne de Rocha et cum Petro Fernandit, scilicet ganauimus sub uno medietatem integram ecclesie Sancti Petri de Oruogo minus IIIa de VIa; et de toto isto supradicto quinione conuenit uobis ex eo quartam integram, et est VIIIa porcio tocius ecclesie minus nona; et habet ipsa hereditate iacentia in terra de Valeyron. Hac siquidem porcio predicta ecclesia cum suis hereditatibus, domibus et // casalibus, pratis, pascuis, et cetera. Ita uobis totum ab integro uendimus et ad presens damus pro precio et robore uidelicet marcas IIIes argenti canonice et solidos VIIIo bonis andegauensium quod nobis et uobis satis complacuit, et de precio nec de robore apud uos indebito ad soluendum nichil remansit. Ab ac die et tempore habete iamdictam porcionem ecclesie cum omnibus suis directuris lucramini eam, possidete, uendite quicquid uolueritis ex eis facte euo perenni et seculo. Quicumque potens uel impotens hoc scriptum cum deliberacione factum ad irrumpendum surrexerit qualiscumque fuerit tam nos quam aliquis ex nostra parte seu extranea parti uestre et uoci marcas sex argenti canonice et solidos XVI andegauensium pariat, et quod in calumpnia miserit in duplo uel triplo componat; et hoc scriptum in cunctis obtineat robur.

Facta carta vendicionis et confirmationis XVIo kalendas februarii, era Ia CCa XIIIIa.

Nos iamdicti in hanc kartula vendicionis manus nostras.

Q. p. f.: Petrus, ts. Pelagius, ts. Didacus, ts. Gregorius Ordonis, conf. Petrus Fernandi, cambiator, conf. Ramiroth, conf. Pelagius Frade, conf. Arias Pelaiz dictus Quilinus, conf. Petrus Martini, conf.

Saninus, presbiter, qui notuit.