GMH/ÍNDICE A-Z

201
1195/06/30.

Testamento do presbítero Pedro Páez.

B.- Tombo, f. 70v.

Testamentum Petri Pelagii de parte sua infrascriptarum ecclesiarum.

Era M CC XXXa IIIa et quotum IIe kalendas julii. Hec est ordinatio quam ordino ego Petrus Pelagii infirmitate mea positus adhuc plenus meo sensu et intellectu qualiter omnia mea ordinata remaneant post mortem meam. In primis mando corpus meum sepeliri in monasterio Sancti Iusti, et mando ibi mecum totas meas hereditates ecclesiasticas quas pater meus et mater mea habuerunt et mihi soli eas integras mandauerunt et dederunt quando me ad litteras posuerunt et mihi Deus ordines dedit. Et sunt prenominate ipse hereditates VIa de ecclesia Sancti Jacobi de Louro et suas porciones integras quas mihi dedit pater meus de ecclesia Sancti Juliani de Bastauales, de Sancta Cecilia et de Sancto <Laurencio> de Mathosseyro et de Sancto Martino de Oronia et de Sancto Martino de Olueyra et Sancto Andree de Talio. Istas hereditates dederunt mihi pater meus et mater mea porcione sine meis germanis pro aliis hereditatibus laycalibus et bonis et creatione multa quas mandauit ad alios germanos meos sine me, et sic eas mando mecum ad Sanctum Justum pro remedio anime mee et parentum meorum. Sed si germani mei uoluerint uenire ad istas hereditates ecclesiasticas quas ego mando ad Sanctum Iustum, mando ut fratres Sancti Iusti requirant et accipiant portionem de omnibus hereditatibus siue ecclesiasticis siue laicalibus et de omnibus bonis patris mei et matris mei et etiam de creatione. Totum aliud meum habere est unus bos et medietas de una uacca et XII rixellos et panis meus, et mando inde dari meam luctuosam si requisita fuerit et detur inde aliquid ad archipresbiterum; et quantum remanserit Maria Petri qui mihi seruiuit diuidat per medium cum filiis suis.

Si uero aliquis ex parte mea uel ex extranea istam meam mandationem irrumpere te<m>ptauerit sit maledictus et parti regie persoluat solidos D; et ista mea mandatione semper permaneat in suo robore.

Q. p. f.: Petrus, ts. Johannes, ts. Didacus, ts. Petrus, presbiter de Lour,  conf. Munio Facham, conf. Fernandus Facham, conf. Petrus Muniz, presbiter,  magister eius, conf.

Johannes notuit.