GMH/ÍNDICE A-Z

B 23

1450, novembro, 11. Roma.
Monitorio do bispo de Espoleto, xuíz e comisario especial do papa Nicolás V (1447-1455), polo que manda, de acordo coa petición formulada polo bispo de Mondoñedo, don Alonso de Segura (1449-1454), que lle devolvan a este tódolos bens que lle ocuparan, tanto no territorio diocesano coma nos dos decanatos de Sevilla e Toledo.
A, perg., con signo notarial e orificios do selo pendente, de 502 x 390 mm. Letra itálica.
C, papel, dúas copias simples en tamaño folio.

Berardus Dei et apostolice gratia episcopus spoletanus judex et commissarius causarum et cause et partibus infrascriptis a donno nostro papa specialiter deputatus vniuersis / et singulis domnis abbatibus prioribus prepositis decanis archidiaconis scolasticis cantoribus custodibus thesaurariis et sacristis succentoribus tam cathedralium quam collegiatarum canonicorum parrochialiumque ecclesiarum / rectoribus seu loca tenentibus eorum plebanis viceplebanis capellanis curatis et non curatis vicariis perpetuis altaristis ceterisque presbiteris clericis notariis et tabellionibus publicis quibuscunque per ispalensem toletanum et mindoniensem prouincias ciuitates et dioceses ac alias vbilibet constitutis et eorum cuilib et in solidum ac illi uel illis ad quem vel ad quos presentes nostre littere peruenerint salutem in Domino et nostris huiusmodi ymmo uerius apostolicis / firmiter obedire mandatis. Noueritis quod nuper sanctissimus in Christo Pater et domnus noster domnus Nicolaus diuina prouidencia papa quintus quamdam commissionem sue supplicacionis cedulam nobis per certum suum cursorem / presentari fecit quam nos cum ea qua decuit reuerencia recepimus hoiusmodi sub tenore: Beatissime Pater exigit peruersorum audacia vt sanctitas vestra sola prohibicione non contenta ad delinquencium deue/niat punicionem et oppressi saltem ecclesiastice persone ad eandem sanctitatem pro obtinendo oppresionum subleuamine habeant recursum hinc est beatissime Pater quod licet alias christifideles pro suarum profectu et salute animarum / ecclesiam dotauerunt de bonis sibi a Deo collatis mindoniensem ac episcopalem dignitatem eiusdem ecclesie et alia beneficia ecclesiastica nonnulli tamen viam Domino satagentes prosequi contrariam castra fortalina opida villas terminos / prata pascua montes valles molendina vineas terras jocalia res et alia jura ac mobilia et immobilia bona donata et concessa dignitati episcopali predicte et ad mensam eiusdem dignitatis episcopalis necnon ad ispalensis / et toletane ecclesie decanatum et alia beneficia ecclesiastica que deuota cretura vestra Alfonsus Segura episcopus mindoniensis tenet possidet et ad eumdem episcopum ut possessorem expectant et pertinent ausu temerario generis humani / ipsis ut traditur assistente vsurpare et occupare non formidarunt prout etiam in futurum ut creditur non cessabunt ab vsurpacione et occupacione restancium bonorum nisi eadem sanctitas ad que defensio bonorum ecclesiasticorum prin/cipaliter expectat aliquo prouideat oportuno remedio. Dignetur igitur sanctitas vestra alicui ex domnis prelatis in vestra romana curia residentibus committere et mandare ut moneant et requirant omnes et singulos occupatores / detentores et vsurpatores predictos et alios qui in premissis culpabiles fuerint cuiuscunque status gradus ordinis uel condicionis existant ipsorum nomina et cognomina presentibus habentes pro sufficienter expressa quatinus / infra certum terminum per eum sibi assignandi castra loca terminos prata pascua montes ac omnia alia et singula jura mobilia et immobilia bona ad mensam episcopalen mindoniensem et alia beneficia ecclesiasticia predicta / et ad ipsum episcopum spectantia et pertinentia prefato episcopo libere restituant de dampnisque expensis ac leuatis occupatis et vsurpatis sibi integraliter satisffaciant et quod se de eis aut eorum aliquo in futurum amplius non intromittant / ipsumque Alfonsum episcopum castrorum locorum et aliorum bonorum jurium predictorum possessionem apprehendere ac illis et ipsorum fructibus redditibus et pertinentibus uti et gaudere permittant sibique et nulli alteri cum eisdem / fructibus redditibus et pertinentibus respondeant seu respodere faciant prout ad ipsos spectat et hoc sub excommunicationis suspensionis et interdicti sentenciis ac aliis etiam pecuniariis et formidabilioribus penis de / quibus eidem domno comisario deputando videbitur ex expedire quas contrafacientes ipso facto incurrant et cum potestate occupatores vsurpatores predictos et alios qui in premissis culpabiliter fuerint reperti penas et / censuras predictas incurrisse et incidisse declarandi illosque aggrauandi et reaggrauandi introdicendi ac auxilium brachii secularis inuocandi et etiam omnes et singulas causam et causas inter partes predictas / omnesque alios et singulos sua comuniter vel diuisim interesse putantes et in execucione citacione et monitoriis huiusmodi exprimendos et nominandos super castris villis opidis terminis pratis pascuis vineis terris joca/libus rebus necnon juribus ac aliis mobilibus et immobilibus bonis predictis et ipsorum occasione motas et mouendas audiendi requirendi decidendi fineque debito terminandi cum omnibus et singulis suis emergenciis / incidenciis dependenciis et connexis et cum potestate occupatores vsurpatores predictos et alios in execucione citationis et monitorii huiusmodi exponendos et nominandos in romanam curiam extra. et ad partes tociens quociens opus / erit citandi ac etiam inhibendi omnibus et singulis judicibus et personis de quibus expediri videbitur non obstantibus si forsan causa seu cause huiusmodi ad romanam curiam predictam de sui natura legitime deuolute aut alias im / eadem de jure ueritate tractande seu etiam finiende non fuerint in gratiam editis vel facientibus non obstantibus quibuscunque in fine vero dicte comissionis siue supplicacionis cedule scripta erant de alterius manus littera superiori / littere ipsius cedule penitus ac omnino dissimili et diuersa hec verba videlicet “de mandato domni nostri pape audiat spiscopus spoletanus citet et moneat etiam sub censuris ac declaret aggrauet et reaggrauet / vt petitur et justitiam faciat”. Post cuius quidem comisionis siue supplicacionis cedule presentacionem et recepciconem nobis et per nos vt premittitur facte fuimus pro parte reuerendi in Christo patris et / domni domni Alfonsi Segura eadem gracia episcopi mindoniensis principalis in preinserta nobis facta et presentata commisione principaliter nominati debita cum instancia requisiti quatinus sibi litteras monitorias in euentum / citatorias extra romanam curiam et ad partes contra et aduersus omnes et singulos occupatores detentores et vsurpatores castrorum fortalinorum opidorum villarum terminorum pratorum montium vallium molen/dinorum vinearum terrarum jocalium rerum et aliorum jurium ac mobilium et immobilium bonorum dignitati episcopali mindoniensi et ad mensam eiusdem dignitatis episcopalis donatorum et concessorum necnon ad ispalensis et toletane / ecclesiarum decanatus ac quecunque alia beneficia ecclesiastica que ipse domnus Alfonsus episcopus tenet et possidet et ad eumdem episcopum vt possessorem expectant et pertinent ac quoscunque alios qui in premissis culpabiles fuerint / cuiuscunque status gradus ordinis vel condicionis existant de quibus in eadem commissione fit mencio sub penis sentenciis et censuris ecclesiasticis juxta et secundum eiusdem commissionis vim formam et tenorem in forma solita / et consueta decernere atque concedere dignaremur nos igitur Berardus episcopus judex et commissarius prefatus anttendens requisicionem huiusmodi fore iusta et consona racioni volensque in causa ac causis rite et / legitime procedere et ac presentibus ipsis dante Domino iusticiam ministrare ut tenemur idcirco auctoritate apostolica nobis commissa et qua fungimur in hac parte vos omnes et singulos supradictos quibus presentes nostre littere diriguntur tenore / presencium requirimus ac monemus primo scundo tercio et peremptorio vobisque nichilominus ac vestrum cuilibet in virtute sancte obediencie et sub excommunicacionis pena quam in vos et vestrum quemlibet canonica monicione pre/missa ferimus in hiis scriptis nisi feceritis que mandamus districte precipiendo mandando quatinus infra sex dierum spacium post presentacionem seu notificacionem presencium ac requisicionem vobis seu alteri vestrum pro parte domni / domni Alfonsi episcopi principalis desuper factas immediate sequencium quorum sex dierum duos pro primo duos pro secundo et reliquos duos dies vobis vniuersis et singulis supradictis pro tercio et peremptorio termino / ac monicione canonica assignamus ita tamen quod in hiis exequendis vnus vestrum alium non expectet nec alter pro alio se excuset prefatos occupatores detentores et vsurpatores et in premissis culpabiles / omnesque alios et singulos sua quomodolibet interesse putandos et in execucione presencium nominandos in eorum propriis personis si ipsorum personas commode habere poteritis alioquin in hospiciis castris siue domibus habitacionun / suarum si ad ea tutus vobis pareat accessus et in parochiali seu parochialibus sub qua vel quibus degunt et morantur sin autem in metropolitanis ispalensi et toletana ac cathedrali mindoniensi et aliis quibus/uis cathedralibus siue metropolitanis im et sub quibus prefatus Alfonsus episcopus principalis beneficia ecclesiastica possidet ac dictis parochiali seu parochialibus aliis seu ecclesiis et locis publicis quibuscunque / vbi quando et quotiens expediens fuerit infra Missarum et aliorum diuinorum solempnia dum maior inibi populi multitudo ad diuina audienda conuenerit aut alias fuerit congregata ex parte nostra ymmo uerius / apostolica publice alta et intelligibili voce moneat et requirat primo secundo tercio et peremptorio ita tamen quod verisimile sit monicionem et requisicionem vestras huiusmodi ad ipsorum monendorum noticiam deuenire prout / et nos similiter monemus et requirimus eosdem ipsis nihilominus et eorum cuilibet in virtute sancte obediencie et sub excommunicacionis suspensionis et interdicti sentenciis censuris et penis quas in eos et eorum quemlibet respec/tiue ex nunc ferimus hiis scriptis et incurrere volumus ipso facto nisi fecerint que mandamus districte precipiendo mandando quatimus infra triginta dierun spacium post monicionem requisicionem huiusmodi ipsis seu / eorum alteri desuper factas immdiate sequentes quorum triginta dierum decem pro primo decem pro secundo et reliquos decem dies ipsis et eorum cuilibet pro tercio et peremptorio termino ac monicione canonica assig/nata prout et nos assignamus eisdem ipsis occupatores detentores et vsurpatores et alii in premissis culpabiles predicti castra loca terminos prata pascua montes fortalina opida villas valles molendina / vineas terras jocalia res ac omnia alia et singula jura mobilia et immobilia bona ad mensam episcopalem mindoniensem ac ispalensis et toletane ecclesiarum decanatum et alia beneficia acclesiastica predicta et ad ipsum domnum Alfonsum episcopum / spectant et pertinent prefato domno Alfonso episcopo principali libere restituant de dampnisque expensis ac leuatis occupatis et vsurpatis sic integraliter satisfaciant ac se de eis aut eorum aliquo in futurum amplius non intro/mittant ipsumque domnum Alfonsum episcopum principalem castrorum locorum et aliorum bonorum juriumque predictorum possessionem aprehendere ac illis et ipsorum fructibus redditibus et pertinentibus vti et gaudere permittant sibique et / nulli alteri cum eisdem fructibus redditibus et pertinentibus prout ad ipsos spectat et pertinet respondeant seu respondere faciant et nichilominus se mandatis et monicionibus nostris huiusmodi ymmo uerius apostolicis in omnibus / et per omnia iuxta presencium litterarum nostrarum seriem ac tenorem realiter et cun effectu paruisse infra quinquaginta dies prefatos triginta dies immediate sequentes uos vel alium loco uestri interim forsam surrogandum judiem et / commissarium per suas patentes litteras aut alia legitima documenta rectificent aut debite rectificare faciant et procurent alioquim eosdem monitos et requisitos nisi monicionibus et mandtis antedictis effectualiter paruerint nosque / vel subrogandum predictum de paricione huiusmodi certificauerit per has nostras litteras modo et forma premissis citare curetis prout et nos citamus eosdem quatinus prima die juridica supradictos quinquaginta dies immediate / sequentes qua nos vel alium loco nostri forsan surrogandum prefatum Rome vel alibi vbi tunc forsan domnus noster papa cum sua curia residebit hora causarum consueta ad jura reddenda et causas audiendas pro tribunali sedere contigerit / compareat in judicio legitimo coram nobis vel surrogando predicto per se vel procuratorem seu procuratores suos ydoneos ad causam seu causas huiusmodi sufficienter instructos se dictas sentencias vt premissum est incidisse declarari et ad / alias sentencias ac penas vlteriores iusta tenorem ipsius commissionis procedi visuri et audituri aliasque in causa et causis huiusmodi gradatim et successiue debite et conuenienter terminis ac dilacionibus procedendo vt moris est processuri et / procedi visuri prout iusticia suadebit et ordo dictauerit racionis certificando nichilominus eosdem monitos et citatos quod siue in dicto monicionis et citacionis termino comparuerint siue non nos nichilominus uel surrogandus / judex et commissarius antedictus ad declaracionem dictarum sentenciarum et penarum ac ad premissa omnia et singula aliasque prout uisum fuerit procedemus seu procedet dictorum monitorum et requisitorum absencia siue contumacia in aliquo non obstante dum vero monicionis et requisicionis vestrarum huiusmodi atque formam et quidquid in premissis feceritis seu alter vestrum duxerit faciendum nobis per vestras patentes litteras aut instrumentum publicum harum seriem siue desig/nacionem in se continentes siue continens remissis presentibus fideliter intimare curetis absolucionem vero omnium et singulorum qui prefatas nostras sentencias aut earum aliquam incurrerint seu incurrerit quoquomodo nobis vel / superiori nostro tantummodo reseruamus. In quorum omnium et singulorum fidem et testimonioum premissorum presentes litteras siue presens publicum instrumentum huiusmodi nostras litteras monitorias et in euentum citatorias in se continentes / siue continens exinde fieri et per notarium publicum nostrumque huiusmodi cause coram nobis scribanum infrascriptum subscribi et publicari mandauimus nostrique sigilli quo vtimur iussimus et fecimus appensione con/muniri. Datis et actis Rome in domo solite habitacionis nostre sub anno a natiuitate Domini millesimo quadringentesimo quinquagesimo indictione terciadecima die vero mercurii vndecima mensis no/uembris pontificatus prefati domni nostri domni Nicolai diuina prouidencia pape quinti anno quarto. Presentibus ibedem discretis viris domno Egidio Hugonis et Nicolao Moer clericis treuerensis et coloniensis / diocesis familiaribus nostris testibus ad premissa vocatis et specialiter rogatis.
Et ego Henricus de Eyck clericus leodiensis diocesis publicus apostolica et imperiali auctoritate notarius ac huiusmodi cause coram reuerendo patre dommo Berardo episcopo / spoletano judice et commissario prefato scriba quia premissis omnibus et singulis dum sic ut premittitur per prefatum domnum episcopum judicem et commissarium / ac coram eo fierent et agerentur vna cum prenominatis testibus presens interfui atque sic fieri vidi et audiui ideo hoc presens publicum instrumentum per alium fideliter / scriptum exinde confeci me aliis occupato negociis signoque et nomine meis solitis et consuetis confeci vna cum appensione sigilli dicti domni episcopi quo vtitur signaui / et subscripsi in fidem et testimonium premissorum rogatus et requisitus (Signo, que na súa base amosa: Henricus).

(Reverso):
M. iiii n. 88. Monitorium in euentum citatorium contra detentores bonorum et rerum ecclesie mindoniensis et aliorum beneficiorum vigore commissionis decretum.