GMH/ÍNDICE A-Z

114
1094/ 11 / 01

Pedro Sarraciniz véndelle a Argileva Danieliz un solio coa súa casa en Compostela.

TC, fols. 46r. - 46v.

Ed. por ANDRADE CERNADAS, J.M., op. cit., 161-162

In Dei nomine. Ego Petrus Sarraciniz tibi Argileuva Danieliz et filiis tuis vel voci tue, in Domino eternam salutem amen. Placuit mihi propria mente nullius cogentis imperio nec suadentis articulo sed propria accessit voluntate, ut tibi iamdicta Argileuva facerem scriptura firmitatis et cartulam venditionis secundum et facio de solio meo proprio quod habeo hic ad aulam sancti Iacobi apostoli, loco certo in illo campo intus in quintana de Cipriano Sisnandiz et prope alias tuas casas, et abui ipsam casam de genitrice mea Federnanda que michi / reliquit eam ad obitum suum per suam ordinationem quam tenet domnus Didacus presbiter de illa Cortecella. Et abuit eam mea mater per sua donationem quam ei donavit senior eius Ero Ruderiquiz illa sua medietate, et ad iermano suo Adefonso Ruderiquiz venit in divisione altera medietate, et iacet illa mea portio contra domum Cipriani et Aragonti et illa alia contra domum sancti Laurenti, do et concedo tibi illut solum cum suis parietibus, aquam in circuitu et suas [pinus] integras, et exitum in vereda et rationem in illa quintana secundum actenus in iuri meo mansit, sic tibi vendo atque concedo pro pretio quod de te accepi, id est de argento regalis monete solidos LXX et quinque, et quod mihi bene complacuit et de pretio aput te nichil remansit solvendum. Ita ut de odie die et tempore de iuri meo abrasa, in tuo dominio sit tradita atque concessa, et facias de ea que tua fuerit voluntas tu et omnis posteritas tua. Et si aliquis de propinquis meis vel extraneis ad irrumpendum venerit vel venero, quisquis ille fuerit, qui talia egerit pariet vel pariemus tibi Argileuve vel voci tue et filiis tuis illam casam in duplo vel triplo et desuper solidos Cm. Et hoc actum semper sit firmum.

Notato die Era M C XXXII, et quotum kalendas Novembris.

Petrus Sarraciniz in hac cartula venditionis manu mea (roboro).

Didacus presbiter de sancta Maria cfr. Froyla Recamundiz iudex cfr.

Munnius Iustivariz ts. Petrus Sisnandiz ts. Veremudo ts. Martino ts. Domna Aragunti ts. Pelagius ts. Iohannes notuit.

Petrus Danieliz clericus et iudex cfr (signum).