GMH/ÍNDICE A-Z

B 12

1426, maio, 21. Roma.
Bula do papa Martiño V, pola que lles comunica ó deán e ó Cabido da Catedral de Mondoñedo que dera a oportuna comisión ó prior do mosteiro de San Martiño de Mondoñedo para uni-la cuarta parte do beneficio de Vilamor á Mesa Capitular da expresada catedral.
A, perg., do que pende o selo de chumbo do pescador, de 480 x 485 mm. Letra semigótica.

Martinus episcopus seruus seruorm Dei dilectis filiis decano et capitulo ecclesie mindoniensis salutem et apostolicam benedictionem. / Sincere deuotionis affectus quem ad Nos et romanam geritis ecclesiam non indigne meretur ut petitionibus uestris quantum cum Deo possumus fauorabiliter annuamus. Dudum siquiden pro / parte uestra nobis exposito quod olim beneficio perpetuo quarta parte nuncupato parrochialis ecclesie sancte Marie de Val de Villamor mindoniensis diocesis per liberam resignationem dilecti / filii Fernandi Petri de Mosende olim de illo quod tunc obtinebat in manibus bone memorie Egidii episcopi mindoniensis extra romanam curiam sponte factam et per eundem episcopum extra eandem cu/riam ordinaria auctoritate admissam uacante idem episcopus beneficium predictum sic uacans cuius viginti quatuor cum omnibus iuribus et pertinentiis suis de consensu illorum ad quos ipsius be/neficii presentatio pertinebat mense capitulari mindoniensi cuius mille et ducentarum librarum turonensium paruorum fructus redditus et prouentus secundum communem extimationem ua/lorem annuum non excedunt pro certis usibus diuini cultus augmentum in eadem ecclesia mindoniensi concernentibus auctoritate predicta im perpetuum incorporauerat annexauerat et uniuerat et / pro parte uestra nobis humiliter suplicato ut unionem annexionem et incorporationem huiusmodi robur apostolice confirmationis adiicere de benignitate apostolica dignaremur Nos dilecto filio priori mona/sterii Sancti Martinni per priorem soliti gubernari dicte diocesis eius proprio nomnine non expresso per alias nostras litteras dedimus in mandatis ut si esset ita unionem annexionem et ioncorpo/rationem predictas et quecunque inde secuta sicut prouide facta essent auctoritate nostra approbaret et confirmaret prout in eisdem litteris plenius continetur. Cum autem sicut exhibita Nobis / nuper pro parte uestra petitio continebat in prefatis litteris quod presentatio et persone ydonee ad beneficium supradictum dum uacabat ad episcopum mindoniensen pro tempore existentem et huiusmodi / persone institutio in illo ad capitulum prefatos de antiqua et approbata ac hactenus pacifice obseruata consuetudine pertinebant per errorem nulla mentio facta extitit Nos ne propterea / littere ipse de surreptione impugnari Nosque occasione huiusmodi molestari contingat prouidere uolentes uestris in hac parte supplicationibus inclinati uolumus et apostolica uobis auctoritate con/cedimus quod eedem littere ac processus habiti per easdem et quecunque inde secuta a data presentium perinde ualeant plenamque obtineant roboris firmitatem ac si in eis quod presentatio dicte /quarte parte ad episcopum et institutio huiusmodi persone ad illam ad capitulum prefatos pertinere plena et expressa mentio facta fuisset omnibus que in prefatis litteris non obstare / uoluimus ceterisque contrariis non obstantibus quibuscunque. Nulli ergo omnino hominum liceat hanc paginam nostre uoluntatis et concessionis infringere uel ei ausu temerario contraire. / Si quiis autem hoc attemptare presumpserit indignationem omnipotentis Dei et beatorum Petri et Pauli apostolorum nouerint incursurum. Datum Rome apud sanctos apostolos xii kalendas junii / pontificatus nostris anno decimo.
Rfta. Gratis. R. de Valentia. (Signo de chumbo no que se pode ler. Anverso: Martinus pp. V.  Reverso: SPASPE (= Sanctus Paulus. Sanctus Petrus. Face dos dous apóstolos).

(Reverso):
M. v. n. 42. P. de Montella. Jo. de Nursia. Cuarta de Villamor que renunçiou Fernando Peres.