GMH/ÍNDICE A-Z

Referencias da busca neste documento para: Os documentos do Tombo de Toxos Outos

191
1247/04/10. Santiago de Compostela.

Sesnando Martínez, presbítero de S. Xiao de Riba do Mar (Tarás), dóalle ó mosteiro de Toxos Outos a súa herdade nas vilas de Lantarou (de Iuso e de Suso), en S. Pedro de Outes.

B.- Tombo, f. 68v.

Carta doni Senandi, presbiteri Sancti Juliani de Ripa Maris, de hereditate de Nantarou.

In nomine Domini, amen. Notum sit omnibus tam presentibus quam futuris quod ego Senandus Martini, presbiter Sancti Juliani de Ripa Maris, et omnis uox mea grato animo et bona uoluntate do, dono et firmiter inter uiuos concedo pro remedio anime mee et parentum meorum monasterio Sancti Justi de Tribulis Altis omnique uoci sue quantam hereditatem ego habeo et habere debeo de auolencia et de ganantia pro me et pro fratribus meis Martino Martini et Marina Martini de quibus ganaui in Nantarou de Suso et de Juso et quantum plantatum ibi habeo, que hereditas est in filigresia Sancti Petri de Outes in terra de Entinis; et est porcio mea determinata de Nantarou de Juso videlicet terciam octaue de quarta tocius ipsius ville, et in Nantarou de Suso quantum ibi habeo. Do inquam dicto monasterio ut ipsum habeat dictam hereditatem cum omnibus suis directuris eidem pertinentibus ubicumque fuerint tam prope quam longe possideat eam, uendat, donet et omne uelle suum imperpetuum faciat. Siquis igitur contra hanc donationem meam ad irrumpendum uenerit quisquis fue<ri>t pectet dicto monasterio D solidos legionensis; carta ista nichilominus in suo robore permanente.

Facta carta donationis istius IIIIo idus aprilis sub era Ma CCa LXXXa quinta.

Ego iamdictus in hac carta manus meas.

Q. p. f.: Fernandus Alfonsi, campsor. Dominicus Martini, zapatarius.  Dominicus Froyle, pulsator campanarum. Martinus Martini, tendarius. Paulus Iohannis, clericus cori. Dominicus Martini dictus Campanarius, clericus.

Ego Jacobus Iohannis, notarius compostellanus juratus, interfui, scripsi et conf. (Signum).