GMH/ÍNDICE A-Z

G-D1
1483, marzo, 4 (Santa María de Porqueira)
O racioneiro Ares Patiño, en nome de Gonzalo de Vilaxoán, arcediago de Limia, en virtude da bula papal (Roma, 8 de xaneiro de 1482) e proceso apostólico (24 de decembro de 1482) que se xuntan, solicita para o seu representado a investidura na encomenda do mosteiro de Santa María de Porqueira. (fols. 1-7v)
In dey nomine amen. Anno del nasçimiento del nuestro rendentor Ihesu Cristo de mill e quatroçientos e ocheenta e tres annos, a quatro dias del mes de março, dentro en el monesterio de Santa Maria de Porquera, de la orden de Santo Agustyn, de la diocese de Orense, en presençia de min el justa escripto notario e dos testigos a juso contenidos, paresçio personalmente el honrrado Ares Patyño raçionero e benefiçiado en la iglesia cathedral del señor San Martin de Orense e procurador sufiçiente que se mostro por poder espeçial del (ho)* venerable don Gonçalvo de Vilajuan arçediano de Limia en la dicha iglesia de Orense e con un proçeso apostolico e bula enel inserta del nuestro muy santo padre Sixto /Moderno\ papa quarto, dada e conçesa al dicho don Gonçalvo de Vilajuan en que su santidad le da e dio en encomenda ad vitam el dicho monesterio de Santa Maria de Porquera segun mas largo en la dicha bula e proçeso sobre ela confecto (mas largo)* se contiene, e requirio por vertud del dicho proçeso e bula a Joan Cortes clerigo e capelan perpetuo de la capilla de Santa Oufemia syta en la dicha iglesia cathedral de Orense (q)* como fijo de obediençia (...)* obedesçese e conplise los mandamientos apostolicos contenidos en la dicha bula e proçeso sobre ela confecto e enel dicho nonbre del dicho arçediano su parte lo quisese poner e apoderar (e)* posese e apoderase en la posesion abtual, real e corporal del dicho monesterio de Santa Maria de Porquera con sus anexos e delos frutos e reditos a (el)* /a ellos\ pertenesçyentes e pertenesçyer debentes. (E logo el dicho Juan Cortes)* (fol. 1)
E luego el dicho Juan Cortes dixo que como fijo de obediençia obedesçia los dichos mandamientos contenidos en la dicha bulla e proçeso sobre ela confecto (que le plazia e)* e en la obedesçiendo con la solenidade que el derecho manda, tomo por la mano al dicho Ares Patyño porcurador sobredicho enel dicho nonbre, lo paso e sento en la cadera en que los priores se solian asentar e le entrego /los\ calez, cruz, libros e cordas de canpanas e /los\ outros ornamentos que se fallaron dentro en el dicho monesterio e dixo que lo ponia e apoderaba en la posyson actual, real e corporal del dicho monesterio de Santa Maria de Porquera e de sus anexos e de los frutos e redditos al dicho monesterio e a sus anexos perteneçentes e perteneçer debentes e que le daba los dichos ornamentos en logar de posison e mandaba e mando en vertud de obediençia e so penna dexcomunion a todos los caseros, foreros, dizmeros, tributarios e çensuarios del dicho monesterio e de los dichos sus anexos que byen e conpridamente acudisen e pagasen los fueros, çensos, dezmos, derechos e derechuras perteneçentes e perteneçer debentes al dicho monesterio e sus anexos al dicho arçediano o a su procurador o procuradores en su nonbre tan ben e tan conpridamente como acu- (fol. 1v)
diron a sus anteçesores, e el dicho Ares Patyño enel dicho nonbre del dicho su parte lo demando asy todo por testimonio sygnado, que paso todo asy, anno, dia, mes e logar sobredichos. Tests. que estaban presentes Afonso Teles (e)* Lopo de Ribeira o moço (e Lopo de Ribeira)* Roy Lopes, Gonçalvo Gomes, fleigreses do dito mosteiro e anexos e Martyno criado do dito señor arçediano e outros.
(fol. 2) (- - -) (fol. 2v)
[Segue a bula papal] (fols. 3-7v)