GMH/ÍNDICE A-Z

Referencias da busca neste documento para: Documentos do arquivo da catedral de Ourense (1289-1399)

85
1312, xaneiro, 16
arrendamento

O cabido arréndalles vitaliciamente a Domingo Pérez, labrador, morador na Fonte do Bispo, e á súa muller, María Fernández, nove leiras de viña sitas no Couto, por 30 libras.



ACOu, Escrituras XIV, 86

Noverint universi quod Johanes Roderici vicarius domini Gundisalvi Nuni decani et capitulum au(riense ...) Domenico Petri laboratori moratori in Fonte Episcopi et uxori sue Marie Fernandi novem leyras vinearum quas capitulum habet in Cautu, que fuerunt quon(dam ...) Pelagii canonici. Arrendant eisdem dictas leyras videlicet viii de foro de medio et unam de foro de tercia, sicut eas dominus Johanes Petri quondam thesaurarius a capitulo tenuit arrendatas, ut habeant et possideant eas in tota vita sua et uno mortuo remaneant alteri, ut excolant eas semper bene et plantent et propaginent bene eas in omnibus que neccessaria fuerint a festo Paschatis proximo venturo usque ad unum annum secundum quod visum fuerit duobus de capitulo, et dent mihi in salvo annuatim casu quolibet contingente non obstante grandine vel glacie seu qualibet alia tenporis tenpestate in festo beati Iohani Baptiste dicto capitulo xxx libras monete domini regis Fernandi de que conputantur xl paria pro tribus libris, et si ista moneta in usu non fuerit dabunt de alia moneta que pro tenpore fuerit extimacionem istius pro ut duo de capitulo duxerint extimandum. Et licceat capitulum per maiordomum suum vel per alium pro dicta pecunia pignorare in termino suppradicto vel postea si sibi in dicto termino non fuerit plenarie satisfactum. Et si per inpotenciam vel negligenciam cultura dictarum leyrarum ommissa fuerit vel aliqua ex hiis que superius sunt conprehensa non fuerint observata, liccitum sit (...) monicione prehabita dictas leyras pro ut ipsas invenerit auctoritate propria sine contradicione aliqua recipere et habere. Et ad mortem predictorum si dicte leyre non fuerint reparate et culte bene reparentur per bona illorum scilicet Domenici Petri et Marie Fernandi suppradictorum. Et si contencio super aliquo inter eos et capitulum orta fuerit per duos de capitulo terminetur omni appellacione cessante. Et ad hoc sit conplendum obligant se et omnia bona sua tam habita quam habenda. Et insuper dant fideiussorem presentem et consencientem et omnia bona sua ad hanc fedeiussionem obligantem Martinum Domenici cerdonem virum Euffemie Michaelis moratorem in vico Cerdoneum. Et si forte iste Martinus Domenici fedeiussor decesserit, Domenicus Petri et Marie Fernandi uxor sua supradicti statim sine aliqua mira teneantur loco ipsius alium fideiussorem idoneum subrogare qui teneatur ad omni(... ...)am. Actum fuit hoc Aurie, xviiº kalendas februarii, era mª cccª lª. Presentibus testibus Martino Lupi duplario, Fernando Petri porcionario et maiordomo capituli, Johane Petri cappellano Sancti Iohani, Fernando Garsie magistro gramatice, Laurencio Martini et Bartolomeo Petri serviencibus cantoris.

Et ego Bartolomeo Petri cantore et cançellario civitatis auriensis premissis interfui et in mea presencia scribi feci signumque meum quod tale est apposui in testimonium rei geste.

(signum)

[reverso] Littera capituli de arren(datione) de novem leyrarum in Cautu quas tenuit Johanes de Piñol quondam tesaurario.