GMH/ÍNDICE A-Z

81
973
Froila dóalle ó mosteiro de Celanova, ubi corpus meum nunc quiescit, e ó bispo Rosendo, a súa parte na villa de Santo Tirso, no territorio Cervanie xunto ó río Deza, con todas as súas prestacións materiais e humanas.
TC, fol. 32v.
Christus. Domino nostro salvatori omnium necnon et vernulis tuis domnis meis invictissimis ac triunphatoribus sanctisque, martiribus, in cuius nomine et honore fundatum dinoscitur esse monasterium nuper vocatum Cellanova. Ideo ego indignus peccatorum Froylanem, cum criminum mole depressus redemptoris mihi vel sanctorum eius fidutia respiramus, non tamem desperatione deicior qui etiam teste conscientiarum mearum sepe pavesco, ut ego per sanctorum fidutiam tandem reconciliari merear Domino omnium vestro suffragio fida supplicatione confido. Et ideo devotioni mee extitit, ut de paupertatula nostra offerrem glorie vestre vel consortium fratrum monastica in sanctis atriis vestris degentium vita qualiter illis sit inter temporale subsidium, et mihi eterne glorie municipatum. Ideo offero vel concedo perpetualiter post parte monasterii vel pontifice domno Rudesindo episcopo vel fratribus vestris in ipso loco pie viventibus villa quam vocitant Sancto Tyrso, territorio Cervanie secus fluvio Deze cum adiuntionibus suis quantum me competet inter fratres et heredes meis. Id sunt, Bazari, Paratella, Cervaria, Roboreta, Adasa, Kiziti, casas, cupos, cupas, perfia, terras, pumares, exitus montium, vel omnia quicquid per easdem villas pertinent, vel quantum ad prestitum hominis est per omnes suos terminos. Omnia do atque concedo post partem ipsius monasterii deservientum ubi corpus meum nunc quiescit, et pro remedio anime mee. Ita ut ab odierno die sint omnia in iure predictorum fratrum et monasterii. Si quis sane quod fieri minime credimus, quislibet homo tam de nostris quam de extraneis hoc votum meum irrumpere temptaverit, sit excommunicatus et a consortio sanctorum privatus, et cum Iuda vel diabolo perhenni trucidatione multatus atque temporali lege quoactus, pariet tantum et aliut tantum quantum de iure monasterii aufferre conaverit, et illi sit abiturum.

Facta series testamenti. Era M XI.

Froylanem in hanc seriem testamenti quod fieri volui manu mea (signum).

(1ª columna:) Sub Christi nomine Viliulfus Dei gratia episcopus cfr.- Froylani prolis Adefonsi regis cfr.- Hermegildus Pelaiz frater eius manu mea (signum).- Arias prolis Pelagi et (...) eiusque frater manu mea (signum).- Gunterodis Deo vota eiusque soror manu mea.-

(2ª columna:) Aragonti Deo vota eiusdem quieta manu mea cfr (signum).- Tarasia Deo vota sororis eius manu mea confirmo.

(3ª columna:) Pelagius Bisotiz.- Almarellus Aloytiz.- Gualamirus Visterlaz.- Furtunius Quintilaz.- Kalendus Sanationi.- Auri Vita Muniniz.- Velascus Ostrofrediz.- Furtunio Ortofrediz.- Munnius Gudesteiz.