GMH/ÍNDICE A-Z

Referencias da busca neste documento para: Colección diplomática medieval do Arquivo da Catedral de Mondoñedo

B 11

1426, maio, 9. Roma.
Bula do papa Martiño V (1417-1431), pola que comisiona ó prior do mosteiro de San Martiño de Mondoñedo para anexionar á Mesa Capitular da Catedral de Mondoñedo a cuarta parte do beneficio de Vilamor.
A, perg., que conserva o selo de chumbo, de 377 x 497 mm. Letra semigótica.

Martinus episcopus seruus seruorum Dei dilecto filio Priori monasterii Sancti Martini per priorem soliti gubernari mindoniensis diocesis salutem et apostolicam / benediccionem. Sincere deuocionis affectus quem dilecti filii decanus et capitulum ecclesie mindoniensis ad nos et romanam gerunt ecclesiam non indigne meretur ut peticiones eorum ad exaudicionis gratiam admittamus. / Exhibita siquidem Nobis nuper pro parte dictorum decani et capituli petitio continebat quod olim dilectus filius Petrus Marinno de Lobeyra decanus dicte ecclesie et vicarius in spiritualibus generalis eiusdem ecclesie / per capitulum antedictos sede episcopali mindoniensi tanc uacante specialiter deputatus prouide attendens multitudem canonicorum et paucitaten fructuum et prouentuum mense capitularis ecclesie supradicte / quartam partem simplicis perpetui beneficii in ecclesia beate Marie de Valle de Villamor mindoniensis diocesis cuius presentatio ad episcopum mindoniensem pro tempore existentem institutio uero de antiqua et ap/probata ac hactenus pacifice obseruata consuetudine ad capitulum predictos pertinet tunc per liberam resignationem dilecti filii Fernandi Petri de Moesende olim dictam quartam partem in ipsa ecclesia / beate Marie obtinentis in manbus eiusdem vicarii dicta sede ut prefertur uacante extra romanam curiam sponte factam et per eundem vicarium auctoritate vicariatus huiusmodi extra eandem curiam admissa / uacantem eiusque viginti quatuor cum omnibus iuribus et pertinentiis suis dicte mense cuius mille et quingentarum librarum turonensium paruorum fructus redditus et prouentus secundum communem extimationem / ualorem annuum ut iidem decanus et capitulum asserunt non excedunt auctoritte predicta perpetuo anexauit uniuit et incorporauit licet de facto prout in instrumento publico inde confecto sigillo dicti decani / munito dicitur plenius contineri prefatique decanus et capitulum quartam parte prefatam annexionis unionis et incorporationis huiusmodi pretextu fuerunt pacifice assecuti. Cum autem secundum / premissa quarta pars predicta adhuc ut prefertur uacare noscatur Nos uolentes decanum et capitulum predictos fauoribus prosequi gratiosis ac de premissis certam notitiam non habentes / ipsorum in hac parte supplicationibus inclinati discrectioni tue per apostolica scripta comittimus et mandamus quatinus si est ita quartam partem predictam sic uacantem dummodo tempore date presentium non / sit in ea alias alicui spetialiter quesitum cum omnibus iuribus et pertinentiis suis eidem mense auctoritate nostra unias incorpores et annectes ita quod liceat eisdem decano et capitulo corporalen possessionem / appellatione postposoita conpescendo non obstantibus constitutionibus et ordinationibus apostolicis contrariis quibuscumque aut si aliqui super prouisionibus sibi faciendis de huiusmodi uel aliis bene/ficiis ecclesiasticis in illis partibus speciales uel generales apostolice Sedis uel legatorum eius litteras impetrarint etiam si per eas ad inhibitionem reseruationem beneficiorum et decretum uel alias quomodolibet sit porcessum / quas quidem litteras et processus habitos per easdem ad eandem quartam partem uolumus non extendi sed nullum per hoc eis quo ad assecutionem benefitiorum aliorum preiudicium generari et quibuslibet / priuilegiis indulgentiis et litteris apostolicis generalibus uel specialibus quorumcunque tenorum existant per que presentibus non expressa uel totaliter non inserta effectus earum impediri ualeat quomodolibet / uel diferri et quibus quorumque totis tenoribus habenda esset in nostris litteris mentio spetialis prouiso quod quarta pars predicta debitis propterea non fraudetur obsequiis sed ipsius debite supportentur / onera consueta. Nos enim ex nunc irritum decernimus et inane si secus super hiis a quoqua quauis auctoritate scienter uel ignornter contigerit attemptare. Datum Rome apud Santos Apostolos vii idus maii / Pontificatus nostri anno decimo.
Rfta Gratis. R. de Valentia. (Selo de chumbo, no que se le, Anverso: Martinus. PP. V. Reverso: SPASPE (=S. Paulus S. Petrus). Face dos dous apóstolos).

(Reverso):
M. vi. n. 2. Comision para el prior de San Martin de Mondonedo para anejar los prestamos de Billamor al Cabildo.