GMH/ÍNDICE A-Z

Referencias da busca neste documento para: Os documentos do Tombo de Toxos Outos

223
1210/05/08. Santiago de Compostela.

Varios herdeiros, descendentes de Munio Aufiz, véndenlle ó mosteiro de Toxos Outos dúas quintas partes da herdade que este tiña nas vilas de Seares, en S. Tomé de Ames, por cento corenta e tres soldos.

B.- Tombo, ff. 78v-79r.

De villa de Seares in Amaya.

In nomine Domini nostri Jhesu Christi. Nos Pelagius Gudestei et Petrus Gudestei et fratres pro nobis et pro sorore nostra Maria Gudestei et pro soprina nostra Ourio, filia alterius sororis nostre iam defuncte Marine Gudestei nomine, et pro omni nostra uoce et sua, et ego Munio Cresconii de Frauega pro Azenda Gudestey, sorore iamdictorum, et pro omne uoci eius, et ego Petrus Pelagii, filius Pelagii Muniz et omnis uox mea, vobis Petro dicto Gasco, monasterii Sancti Justi monacho presbitero, et Johanni Pelagii, eiusdem monasterii conuerso, in uoce scilicet et persona domni Petri Munionis, eiusdem iamdicti uestri monasterii Sancti Justi abbati, et tocius conuentus monachorum eiusdem monasterii omnique uoci ipsius monasterii grato animo et spontanea uoluntate facimus cartam uenditionis in perpetuum ualituram de tota nostra hereditate quanta nobis pertinet uel pertinere debet in Seares et in altero Seares ex parte aui nostri Munionis Aufiz, que ville sunt in parrochia Sancti Thome de Oliames. Et est determinata ipsa hereditas quam uendimus ipsi iamdicto monasterio id est due quinte integre de quanto pertinet uel pertinere debet in iamdictis villis et in suis terminis et pertinenciis ad iamdictum auum nostrum Munionem Aufiz. Quarum // duarum quintarum est una dicti Petri Pelaiz, altera uero est supradictorum omnium fratrum. Hanc igitur totam nostram iamdictam hereditatem cum omnibus suis directuris et bonis et pertinenciis quecumque ad illam pertinent tam prope quam longe firmiter uendimus et libere prenominato monasterio perpetuo possidendam concedimus pro precio de quo nobis placuit, id est C XL III fortis monete cum placabili robore; et tam de precio quam de robore apud uos nichil remansit indebito ad soluendum.

Siquis igitur contra hanc cartam ad irrumpendum uenire temptauerit persoluat regie parti solidos CCos LXXXa VIex fortis monete; carta tamen ista nichilominus in suo semper robore permanente.

Facto scripto VIIIo idus maii, era Ma CCa XLa VIIIa.

Nos prenominati hanc carta roboramus et confirmamus.

Qui presentes fuerunt: Johannes Iohannis dictus Chapas, uicarius domini archiepiscopi in illa terra. Ego Nicholaus, scolaris, conf. Didacus Martellus de rua de Villari, conf. Stephanus Martini, tabernarius de Rua Noua, conf. Martinus Petri,  filius Petri Abade de Occa, conf. Petrus Fernandi, conf. Johannes dictus Cerasarius de Pedras, conf.

Ego Johannes Pelaiz, compostellanus publicus notarius, scripsi et conf. (Monogramma: JHNS PLGII).