GMH/ÍNDICE A-Z

33
1305, xaneiro, 21
O bispo e o Cabido de Lugo outórganlles a Fernando Arias, á súa muller e a un fillo de ambos os dous sete casais no couto de San Martiño dos Condes, con determinadas obrigas tras a súa morte.
 MADRID, AHN, Carp. 1332 A/8, perg. orix., latín, gótica cursiva, 340x235 mm.

In dei nomine amen. Era Mª CCCª XLIIIª et quotum XII kallendas februarii. Noverint universsi quod nos Rodericus, Dei gratia lucensis episcopus, de comuni conssenssu decani et capituli eiusdem ecclesie, damus et concedimus vobis Fernando Arie de Parrega et uxori vestre donne Maiori Velasci et uni filio vel filie quem vel quam in vita vel in morte duxeritis nominandum, septem cassallia nostra in cauto Santi Martini de Comitibus, et quartam partem quam habemus in cauto et eclesia Sancti Martini predicti, in vita vestra et predictorum filii vel filie tenenda et possidenda, cum sex casallibus que Arias Petri et donna Maior Roderici, quondam parentes vestri et vos ratione cuiusdam contractus facti per predecessorem nostrum dominus Fernandum Arie quondam lucensis episcopum hactenus tenuistis et tenetis; que tredecim casallia vos et filius vel filia superius nominati debetis in vita tan tum retinere et ad obitum vestrum et filii vel filie predictorum debetis nobis vel successori nostro dare cum predictis tredecim casallibus alia sex casallia in cauto Sancti Martini predicti vel in cauto lucensis quorum quodlibet debet habere tres tercias de semente ad unan manum et totidem ad alteram bene completas, et debent esse populata videlicet quodlibet casalle de duobus bobus et una vaca et XII rexellis. Que decem et novem casallia debetis tenere in vita vestra et filii vel filie predictorum prout superius est expressum et omnia supradicta debent post mortem vestram et dictorum filii vel filie libera et quita lucensis episcopo remanere cum omnibus conplis et gananciis quas in voce de couto vel de eclesia Sancti Martini predicti feceritis seu acquisiveritis.

Et nos Fernandus Arie et uxor mea dona Maior Velasci predicta ad omnia ista predicta et singula ad implenda obligamus omnia bona nostra habita et habendam, mobilia et inmobilia et semoventia, et in super ego Fernandus Arie predictus nomino tria casallia quorum unum est in Villa Suso sub aulla Sancti Stephani de Mota, in quo moratus est Iohannes Prior, et aliud a a Torre in cauto Sancti Martini predicti, et aliud in Sancta Eollalia de Devesa, quod fuit Petri Mauri et Fernandi Michelle, et pro aliis tribus casallibus prestandis nomine meo et uxoris mee predicte praesto fideiussorem presentem et contendentem dominus Fernandum Nuni, archidiaconum de Neyra in ecclesia lucensis ad quem fideiussorem relevandum obligo omnia bona mea habita et habenda.

In quorum omnium testimonium nos episcopus et capitulum predicti et Fernandus Arie presentes literas fecimus sigillorum nostrorum appensione muniri. Et in super nos Fernandus Arie et uxor mea donna Mayor Vellasci rogamus Petrum Iacobi, publicum notarium lucensis, ut de promissis presentem cartam scribere et in ea signum suum duceret aponendum.

Presentibus: domino Martino Iohanne archidiacono de Decia, Magistro Alffonsus archidiacono de Deçon in ecclesia lucensis, domino Iohanne Bezerra iudice lucensis, Aria Petri et Nuno Martini canonicis lucensis, Fernando Fernandi canonico, Iohanne Martini prellato ecclesie Santi Martini de Comitibus.

Et ego Petrus Iacobi publicus notarius lucensis promissis omnibus et singulis interffui, et rogatus presentem cartam propria manu scripsi et signum meum apposui in testimonium veritatis.

SIGNO