GMH/ÍNDICE A-Z

147
1211/08/18.

Martiño Arias dóalle ó mosteiro de Toxos Outos a súa porción na igrexa de Santiago de Tal e toda a herdade que ten nas vilas de Crespos e Lantarou e na freguesía de S. Pedro de Outes.

B.- Tombo, f. 59rv.

Carta de Martino Arie de ecclesia de Tali et hereditate de Crespos et de Nantarou.

In nomine sancte et diuidue Trinitatis. Ego Martinus Arie in remedio anime mee et parentum meorum pro Dei amore et sanctorum omnium grato animo et spontanea uoluntate facio testamentum et kartulam donationis imperpetuum ualituram vobis domno Petro, monasterii Sancti Justi abbati, et omnibus fratribus tam presentibus quam futuris ibidem commorantibus de tota portione mea de ecclesia Sancti Jacobi de Tali et de portione germani mei Froyle Pelagii quam ego habeo pro hereditate mea de Ualadares, quam ipse Froyla habet in concambia, et de tota mea hereditate que mihi euenit inter meos germanos in territorio Celticos in loco certo in uilla que uocitant Crispos et in villa de Nantarou de Iuso et de Suso quanto ibi habeo uel habere debeo in tota filigresia Sancti Petri de Octis. Istas igitur porciones predicte ecclesie Sancti Jacobi de Tali et istam hereditatem quam ego habeo uel habere debeo in predictas villas de Nantarou de Iuso et de Suso et tota uoce quam ego habeo in filigresia Sancti Petri de Octis, casas, casais, ortais, exitus, villas, intus uel foribus cum quantum aprestituum hominis est per suos terminos et loca antiqua dono et concedo uobis et monasterio uestro ubi iam olim habitum religionis suscepi. Habeatis igitur uos ipsos quiniones predicte ecclesie Sancti Jacobi de // Tali et predictam hereditate de Crespos et in Nantarou Iuso et Suso; possideatis uos et omnis posteritas uestra in secula seculora.

Facta carta testamentum in era Ma CCa XLa VIIIIa et quotum XVo kalendas septembris.

Siquis autem de parte mea uel de extranea contra hoc factum meum ad irrumpendum uenerit sit maledictus usque in septimam generationem et pariat in duplo ipsas hereditates quantum calumpniauerit et insuper solidos C; hoc scripto semper in suo robore permanente.

Ego predictus Martinus Arie in hoc scripto quod fieri iussi manus roboro.

Q. p. f.: Johannes Arie, presbiter da Balsa, ts. Arias Aluitiz, miles, ts. Petrus Malufas, presbiter, ts. Pelagius Petri, ts. Prioror (sic) Johannes Tudini, ts. Petrus Uilanus, ts. Dominicus, cantor, ts. Petrus Petri, ts.

Ego Martinus Arie notuit.