GMH/ÍNDICE A-Z

129

1404, novembro, 11. Lugo.
Carta-mandamento de Gómez García de Hoyos, correxedor maior do Reino de Galicia, pola que lles manda ós veciños e moradores da freguesía de Oirán que acudan á igrexa de Mondoñedo e ó seu Cabido coas rendas, dereitos e tributos que adoitaban pagar ata o presente.
A, papel, que conserva no reverso restos do selo de cera vermella, de 170 x 290 mm. Letra gótica cursiva.

Yo Gomes Garçia de Hoyos corregidor mayor por nuestro sennor el rey en el regno de Gallisia fago saber a todos los honbres buenos escuderos et labradores et moradores et prouadores / em Oyran et en todo obispado de Mondonedo que don Ares Peres archidiacono de Trasancos et Iohan Yngles raçoeyro de Mondonedo procuradores del dean et cabildo et cleresia del dicho obispado se / me querellaron et disen que vosotros et cada vno de uos que les non queredes recudir nin faser recudir con los pechos et derechos et rentas et otras cosas qualesquier que al dicho dean / et cabildo et cleresia et yglesia de Mondonedo pertenesçen et pertenesçer deuen de derecho en lo qual me dixeron que reçebian et auian resçebido grande agrauio et dapno et pedieron/me que les proueyese sobrello con remedio de derecho. Por que vos mando de parte del dicho sennor rey a uos et a cada vnos de uos en vuestros logares et jurdiçiones que recudades / et fagades recudir al dicho dean et cabildo et cleresia et iglesia del dicho obispado de Mendonedo a cada vnos dellos con todas las rentas et derechos et pechos et otras / cosas qualesquier con que de derecho les recudistes a ellos et a qualquier dellos en los annos pasados fasta aqui et de derecho sodes tenidos de les recudir en todo et por / todo bien et conplidamente en guisa que les non mingue ende alguna cosa. Et esto non lo dexedes de faser et conplir por carta nin por cartas que sobresta rason sean dadas en / contrario antes o depues. Et los vnos nin los otros non fagades ende al sob pena de la merçed del dicho sennor rey et de dos mill mor. a cada vnos de uos para la / su camara. Pero si contra esto que dicho es vos o qualquier de vos alguna cosa quesierdes desir et rasonar por que lo asy non deuedes faser et conplir mandovos que / del dia que vos esta mi carta fuer mostrada fasta nueue dias primeros parescades ante mi a desir et rasonar lo que quesierdes en ayuda de buestro derecho. / Fecha en la çiudat de Lugo onse dias del mes de nouienbre anno de mill et quatroçientos et quatro annos.
Gomes Garçia (Rúbrica). Yo Pedro Garçia escriuano / del dicho sennor rey et su notario publico en su corte et en todos los sus reg/nos la fis escriuir por manado del dicho corregidor (Rúbrica).

(Reverso):
O. 86. M. x. n. 48. Carta de Gomes Garçia de Foyos corregidor mayor de Gallisia sobre los desemos et foros et outras cousas.