GMH/ÍNDICE A-Z

502
940/ 10 / 06
Preito polos límites das villas de Sauto e de Leginoso, que fora resolto polo conde Don Gutier.
TC, fols. 173v. - 174r.

Ed. por SERRANO Y SANZ, M., Documentos I, op. cit., doc. V, p. 275.

KARTA DIVISIONIS INTER SAUTO ET LEGINOSO.

In temporibus Ranimiri principis. In era D CCCC LXX VIII.

Horta fuit intemtio pro terminos inter homines de villa de Sauto et homines de Leginoso. Id est de villa de Sauto, Deiton, Bonimenzo, Desterigo, cum heredum suorum et de Laginoso, id est avolo Vimara cum heredum suorum. Pro ipsa comtemtione pervenerunt in presentia domni Guttieris comitis una pariter ipsi commentores de amborum partes, preelegerunt in ipso concilio previsores qui antiqum solent comprobare. Id est Fafila, Vimaredi, Tanoi, Astroari, Ariastre, et cum eis alii plures multi filii bonorum hominum. Venimus nos sepedicti ubi era ipsa contemtio. Ascendimus inter Sauto et Leginoso invenimus ibidem tres arcas lapideas, tornavimus inter Leginoso et Sauto pro pariete fortissima, invenimus anta ficta iusta strata de vereda qui discurrit ad Limia ubi se iunctaverunt tres villas, villa de Sauto, Leginoso et Ranosendi, tornavimus ab orientale parte per agere terre, invenimus coniesta iusta peneto ubi dicent agro de fontes, et iusta ipsum arrogio invenimus arca lapidea qui dividet inter villa Parata et Peretello. Dimissimus inter Parata et Peretello per singulas certissimas pro termino constitutas usque plegavimus ad arca qui dividet inter Parata et Peretello. Dimisimus ibidem villa Peretello et inquoavimus inter Parata et rio Mallello. Invenimus ibidem duas arcas qui diviserunt inter ipsas villas. Pereximus per summo outario perquirentes indicia terminorum usque plegavimus ad agro Felgoso ubi eis // decretum posuimus. Et sic per agere terra invenimus duas mamulas ad radice de monte Acuto qui diviserunt inter Parata et rio Malello, et sic cessavimus ad arca qui dividet inter Parata et Aliarici, et omnes ipsas terras simul cum ipso rovoreto invenimus eos de villa Parata et Sauto.

Modo vero quantum potuimus veritatem prospicere termino fidei demonstravimus.

Notum die pridie nonnas Octobris. Era supradicta.

Fafila. Vimaredi. Tanoi. Astroari. Ariaster.