GMH/ÍNDICE A-Z

208
1149/06/01. Santiago de Compostela.

O crego Xoán Arias véndelle ó mosteiro de Toxos Outos o forno que ten na rúa do Ciquelo, na cidade de Santiago de Compostela, por trece marcas de prata.

B.- Tombo 74r15.

Transcr.- SALVADO MARTÍNEZ, B.- “Tumbo de Toxosoutos...”, doc. n.º 8, pp. 181-182.

Carta de domibus ville Sancti Jacobi et de furno de Ciquiello.

Quoniam ea que uenduntur uel donantur ut posterius firmius habeantur literarum anuncione muniantur, idcirco ego Johannes Arie, clericus, Arie Didaci filius, et omnis uox mea vobis domno Pelagio, monasterii Sancti Justi de Spinis Altis abbati, et monachis in eodem monasterio habitantibus, presentibus et futuris omnique uoci uestre, toto corde et propria uoluntate nulla ui cogente sed peccunia procedente, facio textum scripture firmitatis et cartulam uenditionis de furno illo integro quem habeo in villa Beati Jacobi in loco que dicitur Ciquiellum; et habet jacencia secus viam inter jamdictum furnum et solium uestrum per quem eunt et redeunt ad illum Acintum, et ex alia parte contra ecclesiam Beati Jacobi est domus Pelagii Sisnandit, et retro sicut diuiditur ab illa domuncula superius que est de suprina Pelagii Sisnandit cum exitu in uia publica per quam descendu<n>t a Precuntorio ad ecclesiam Beati Iacobi, et cum medio tabulato contra domum Pelagii Sisnandiz et cum integris parietibus utraque parte et cum exitu retro et directura illius terreni quod iacet retro, et aquis uertentibus in circuitu, proficuis et prestationibus suis intus et extra sicuti illum integrum cum omnibus suis directuris pater meus Arias Didat adquisiuit et ganauit de uenditoribus suis suo precio et ueridicis scripturis et usque ad obitum suum obtinuit et possedit et mihi et sorori mee post obitum suum reliquid. Ita uobis ab integro uendo cum porcionem meam quam etiam sororis mee integram, et concedo pro precio uidelicet marchas XIII puri argenti quod mihi et uobis satis conplacuit, et de precio apud uos nichil remansit ad soluendum. Ab hinc habete iamdictum furnum integrum cum omnibus suis directuris, lucrate, possidete, uendite quiquod uolueritis ex eo facite euo perenni et seculo.

Quicumque omnium hominum potens uel inpotens, ecclesiastica, seculari siue persona tam ego quam aliquis mee propinquitatis seu extranee hoc meum scriptum cum deliberatione factum ad irrumpendum surrexerit uel surrexerimus qualiscumque fuerit, parti uestre uel uoci marchas XXVI puri argenti persoluat et quod calumpniatus in duplo uel triplo componat. Et hoc scriptum perhenniter maneat ratum.

Facta karta uendicionis et confirmationis die kalendarum junii, era Ma Ca LXXXa VIIa.

Ego iamdictus Iohannes et uox mea in hac carta uendicionis manus meas. Pelagius Abbas, cantor ecclesie Beati Iacobi, conf. (Signum).

Cresconius Pelaiz, judex et ecclesie Beati Jacobi canonicus, conf. (Signum).

Robur Petri Iohannis, filii Aurodane Arias.

Pelagius Didaci, ecclesie Beati Jacobi archidiaconus, conf. (Signum: XRS).

Q. p. f.: Didacus, ts. Petrus, ts. Pelagius, ts. Martinus, ts. Munio, ts.

Ego Johannes Arias propia manu conf. (Signum).

Ranemirus Pelagii, canonicus, conf. (Signum).

Pelagius Cardinalis, diaconus, notuit.

15 O folio 72v e o 73r están en branco.