GMH/ÍNDICE A-Z

A29
1380, marzo, 18

Xoán Sánchez, biscaíño, presenta albará real no que se ordena a Vasco Gómez de Xexas a devolución das encomendas de Temes, que lle ocupou a Pedro Ruiz Sarmento, adiantado de Galicia, quen as tiña por concesión de Henrique II. (fol. 20v)

Era de mill e quatroçientos e dies e ocho anos, lunes, dies e ocho dias andados del mes de março, fue presentado este alvala enla Peroja por Juan Sanches biscayno, que lo presenta ante Juan Fernandes de Villa Verde. Testigos que fueron presentes Alvaro escrivano e Miguel Domingues, Gil Rodrigues, Juan Gonçalves de Carrazedo. Nos el Rey fazemos saber a vos, Vasco Gomes de Xexas, que Pero Roys Sarmiento, nuestro vasallo e nuestro adelantado mayor de Galizia, nos dixo en como vos, depues que agora fuestes alla a Galizia, que entrastes e tomastes las encomiendas de Temees, las quales el rey nuestro padre que dios perdone mando que toviese el, con la casa dela Peroja. Et somos maravillado en atrever vos a tomar asy las dichas encomiendas, toviendolas el dicho delantado. Por que vos mandamos que luego en punto gelas dexedes e desenbargedes e les tornedes luego todo lo que dellas levastes, ca nuestra merçed es que las tenga el dicho adelantado, segund que el dicho rey nuestro padre lo mando e segund las tovo en su vida, e non fagades ende al por ninguna manera, so pena de la nuestra merçed, se non, sy lo asy faser e conplir luego non quisieredes, mandamos al dicho adelantado e a los merinos que por el andan (que) lo fagan asy faser e conplir, e que tomen e tengan las dichas (enco)miendas e vos fagan tornar e pagar todo lo que (...)des levado despues que de aca (...) segund (...). Es fecha seys dias de novenbro, era de mill (...) dies e siete (...) (fol. 20v)
(- - -) (fol. 21)