GMH/ÍNDICE A-Z

Referencias da busca neste documento para: Os documentos do Tombo de Toxos Outos

25
1165/06/26 1187/—/—. León.


Fernando II dóalle ó mosteiro de Toxos Outos a súa reguenga de Otero de Rey, no bispado de León. A doazón foi posteriormente confirmada por Afonso IX.

B.- Tombo, f. 15r.
Rex.- GONZÁLEZ, J.- Regesta de Fernando II, p. 401.

In nomine Domini nostri Ihesu Christi, amen. Catholicorum regum decet celsitudinem sancta loca ac religiosas personas diligere et uenerari et eas largis ditare muneribus atque in prediis et possessionibus ampliare, ea propter ego domnus Fernandus, Dei gratia Ispaniarum rex, vna cum vxore mea regina domna Vrraca per scriptum donationis firmissimum imperpetuum ualiturum, dono Deo et monasterio Sancti Justi de Tribulis Altis et uobis domno Ruderico abbati eiusdem loci atque successoribus uestris illum meum regalengum quod habeo in Oucteyro de Rege, villam illam videlicet que uocatur Naua de Rege. Istam siquidem villam dono vobis et uestro monasterio pro remedio anime mee et parentum meorum ut ab hac die et deimpceps habeatis illam cum omnibus suis directuris iure hereditario cum casas, agris, uineis, ortis, pratis, pascuis, montibus et fontibus quomodo concluditur per suos terminos antiquos, scilicet per cimam de valelus de contra Melgar et per cimam de plano qui diuiditur cum hereditate de Melgar et per uineas de plano de Gosendos de Tabaraos et per uallem de Fornos et per terram de Pelagio et per Castellanos et per uallem de Monte et inde contra Rebolar et per pratum de Rege et per Cauenas et per portellum de contra Sanctum Justum et per Sanctum Stephanum quomodo uenit ad ecclesiam Sancti Iohannis. Istam villam sicut ita determinatam concedo uobis ut possideatis eam, uendatis, donetis, commutetis et omnem uoluntatem uestram de illa faciatis.


Siquis igitur tam de meo genere quam de alieno hoc meum uoluntarium factum irrumpere temptauerit, iram Dei omnipotentis et regiam indignationem incurrat et cum Datan et Abiron, quos uiuos terra obsorbuit, in inferno penas luat et pro temerario ausu parti regie C libras auri persoluat et quod inuaserit uobis et uoci uestre in quadruplum reddat; et hoc scriptum semper maneat firmum.

Facta carta donationis VIº kalendas julii, sub era Iª CC III; regnante rege domno Fernando in Legione, Extremadura, Gallecia et Asturias.

Ego domnus Fernandus, Hyspaniarum rex, una cum uxore mea regina domna Vrraca hoc scriptum quod fieri iussi proprio robore confirmo.

Comes urgelensis et maiordomus regis, conf. Comes Poncius, dominans in Legione, conf. Comes Petrus, dominans in Asturiis, conf. Comes Ramirus, dominans in Berez, conf. Comes Rodericus, dominans in Sarria, conf. Gumez Gunsalui,  dominans in Trastamar, conf. Ramirus Poncii, signifer regis, conf. Martinus, Dei gratia compostellane ecclesie episcopus, conf. Johannes,  lucensis episcopus, conf. Petrus, auriensis episcopus, conf. Johannes, legionensis episcopus, conf. Fernandus, astoricensis episcopus, conf. Stepahnus, zamorensis episcopus, conf. Petrus, salamantinus episcopus, conf. Gunsaluus, ouetensis episcopus, conf. Suarius, cauriensis episcopus, conf.

Rodericus, archidiaconus, cancellarius regis. Petrus de Ponte, notarius. Pelagius Got. scripsit.

Petrus, ts. Johannes, ts. Martinus, ts. Didacus, ts. Rudericus, ts. Suerius, testes.

Ego Adefonsus, Dei gratia Legionis rex, hoc scriptum quod pater meus bone memorie rex donus Fernandus fieri iussit, laudo et concedo et propria manu confirmo apud Legionem sub era Mª CCª XXª Vª.