GMH/ÍNDICE A-Z

Referencias da busca neste documento para: Documentos da catedral de Lugo. Século XIV

323
1335, febreiro, 28. Lugo

Estatuto sobre os arrendamentos de aniversarios.

MADRID, AHN, Cód. 1042 B, fol. 77v.

[...] importunitatem peten[...] conceduntur et hiis [...] redditus casalium hereditatum domum [...] pertinencium per tales ambiciosas [...] et iniustas concessiones factas per capitulum [...] perssonis dampnabiler in maximum dicte ecclesie decimen [...] multorum tam concedentium quam recipiencium per [...] redditus qui fuerunt averis deffunctis fidelibus christianis dicte lucensis ecclesie reliti pro aniverssariis supradictis qui debebant pro animabus dictorum fidelium deffunctorum ad servicium divini cultus expendi in usus alias expeduntur. Et aliqui contractus de aliquibus de dictis casalibus, domibus, possessionibus et iuribus facti similis quibus perssonis pro se et aliis duabus alter tribus vocibus successive aliqui vervo facti sint perssonis noblibus et petentibus ad longum tempus a quibus recuperari poterunt vix vel nunquam, et tales contractus ad genus perpetue alienacionis possunt maxime cum aliquales penssiones eis inpossitas solvere contradicunt per lapsum temporis pro dolor devenire dicti redditus videlicet sicut adeo atenuati et etiam diminuti qui porcio dictarum aniverssariorum qui conssuevit valere VII vel X denarios, istius monte cotidie in presenti ad duos denarios vix attingit. Et tam periculossa tanquam intolerabilia dampna preteriti temporis, nos cauciones esse promoneant in futurum. Idcirco nos Petrus Roderici, archidiaconus de Deçon, ac reverendi patris donni Iohanes, divina providencia lucensis episcopi, vicarius, et lucensis ecclesie capitulum congregati per pulsacionem campane in thesauro dicte ecclesie ut est moris, vollentes prout permitit possibilitas super talibus et similibus contractibus precavere et eis in futurum racionabiler obviare. Statuimus, constituimus et etiam ordinamus, per iuramentum ad santam Dei evangeliam, pro nobis et successoribus nostris prestitum aliquibus aliis constitucionibus dicte ecclesie inherentes quod super arrendacionibus casalium, hereditatum, domorum, possessionum et iurium quorum libet ad dicta aniverssaria pertinentium, nulli et nullis fiat gratia de cetero per decanum et capitulum lucensis nec per aliquod seu aliquos de capitulo, nec dent dicta casalia, hereditates, domus, possesiones et alia iura et bona ad dicta aniverssaria pertinencia seu aliqua pars seu partes eorum cuicumque seu quibuscumque perssonis nec de ipsis fiant contractus dampnoso ecclesie et capitulo quocumque modo seu quocumque quesito colore, directe vel indirecte, nec decanus et capitulum seu aliquis vel aliqui de capitulo consentiant nec assentiant publice vel occulte, mediate vel inmediate, directe vel indirecte, quod aliqui contractus dampnosi ecclesie et capitulo fiant super hoc aliqua ratione, scilicet pure et simpliciter dicta casalia, hereditates, domus, possesiones, iura et bona ad dicta aniverssaria pertinencia quando fuerint arrendanda arrendentur omni acceptione perssonarum parte vel partibus amore oido vel timore pospositis plus offerentibus et pro maiori precio quod potitur commnuniter inveniri, omnia fraude dolo et cuiscumque se quorumcumque interventu, subtilitate, seu similato ingenio pro culpulssis et securis conditoribus qui securam et sufficientem prestent caucionem de precio bene integre et secure solvendo in terminis asignatis et cum secundam iuris regulam quod omnes tangit debeat ab omnibus approbari quod vocentur ad dictas arrendaciones faciendas omnes canonici aniverssariorum qui fueritn in civitate vel ecclesia tempore quo fieri debuerint pro ut vocari debent alii canonici ecclesie supradicte, et quicumque conductor seu arrendator vel arrendatoris qui aliqua receperint de dictis bonis a capitulo arrendata teneatur instrumentum arrendationis per publicum notarium poni et scribi facere in libro nostro expensis suis ad memoriam futurorum taliter arrendationes non procedant nec valeant si in contrarium fuerint attentate. Et si aliquando comode non potuerit arrendari per administratores et collectores reddituum dictorum aniverssariorum administrentur, reparentur, et colligantur prout melius capitulo iussu fuerit expedare. Et hoc statutum et constitucionem facimus tam de omnibus bonis ad dicta aniverssaria pertinentibus iam habitis et aquissitis quam etiam in posterum adquirendis. Et ordinamus, statuimus et constituimus quod omnis qui presenti recepti sunt in ecclesia lucensis, et etiam recipiendi qui ex nunc in posterum recipientur in ea teneantur istud statutum et istam constitucionem in perpetuum observare per iuramentum prestitum et prestandum de constitucionibus dicte ecclesie observandis. Et rogamus Rodericum Fernandi, notarium publicum lucensis, ut istud statutum et constitucionem et ordinacionem scribat in libro nostro et signum suum assuetum apponat in testimonium promissorum.

Actum in dicto capitulo ultimo die februarii, era Mª CCCª LXXª tercia.

Qui fuerunt presentes in dicto capitulo: dictus vicarius donni episcopi; donus Petrus Iacobi, iudex et vicarius decani; donus Fernandus de Deo, cantor; donus Gundisalvus Garsie, scolasticus; donus Arias Pelagii, thesaurarius; Andrea Petri, cantor de Armentia; et Iohanes Fernandi de Valdayo, canonici dicte ecclesie. Testes: Alfonsus Iohannis, porcionarius dicte ecclesie; Alfonsus Ianeyro, clericus chori et Iohanes Petri, hostiarius dicti capituli, et aliis pluribus.

Et ego Rodericus Fernandi, publicus notarius lucensis, vocatus et rogatus per dictos vicarium et capitulum pressens fui et dictum statutum seu constitucionem de mandato ipsorum in isto suo [livro manu] propia scripsi, ac signum meum consuetum appono in testimonium veritatis. (+).