GMH/ÍNDICE A-Z

165

1453, abril, 20. Vilamaior-Mondoñedo.
Unión do préstamo de Santaballa de Merille á Catedral de Mondoñedo feita polo provisor do bispo don Alonso de Segura.
A, perg., con signo notarial, de 308 x 237 mm. Letra semigótica.

Nouerint vniuersi presentes litteras inspecturi quod ego Gundisaluus Martini de Alcala archipresbiter de / Cuellar prouisor et vicarius oficialis generalis in spiritualibus et tenporalibus ecclesie et episcopatus mindoniensis / loco et nomine reuerendi domni mei domni Alfonssi Segura Dei et apostolice sedis gracia dictorum ecclesie et episcopatus / mindoniensis episcopi cum potestate benefiçia conferendi attendens quod capitulum ecclesie mindoniensis et mensa capitula/ris tenuis et exiles existit ut persone canonici et porcionarii eiusdem commode sustentari nequeunt se/cundum statum et decenciam suam propter inopiam reddituum suorum et cupiens et desiderans ut diuini cultus / augeantur et Deo Saluatori nostro et eius alme Genitricis et intemerate Virginis Marie laudabiliter ser/uiatur idcirco vacantem ad presens dimidiam partem sine cura totius parochialis ecclesie beate Eolalie de / Merille site in archidiaconatu viuariensi diocesis midoniensis per puram et liberam simplicem et spontane/am renunciacionem seu resinacionem in manibus meis per Alfonsum Fernandi da Balada presbiterum ac vlti/mum clericum et possessorem eiusdem dimidie partis sponte factam et per me admissam cuius pre sentacio et pro/uisio seu queuis alia disposicio michi pertinet et expectat loco et nomine dicti domni mei episcopi racio/ne sue mense episcopalis omnibus melioribus modo via causa et forma quibus de jure seu more possum / predicto capitulo et beneficiatis eiusdem et sue mense capitulari in perpetuum prouidi et contuli et vni/ui incorporaui et anexaui ac de presenti prouideo et confero et vnio incorporo anecto et anexo in perpe/tuum per presentes cum omnibus juribus fructibus et redditibus suis mandansque omnibus et singulis / parochianis dicte ecclesie qui nunc sunt seu pro tenpore fuerint in virtute sancte obediencie et sub / excomunicacionis pena districte precipiendo quatinus ex nunc et in perpetuum prefato capitulo mindoniensi / et mense capitulari et personis canonicis et porcionariis eiusdem presentibus et futuris uel eius yconomo uel / arrendatori eius nomine respondeant et responderi faciant plenarie cum omnibus decimis fructibus et / redditibus juribus et obuencionibus vniuersis prefate dimidie parti sine cura pertinentibus et nemini / alii prout melius et plenius prefato Alfonso Fernandi predecessori respodebant et responderi debebant. / In cuius rei testimonium hunc presentem titulum vnionis prouisionis presentacionis collacionis / et anexacionis nomine mei roboratum ac sigillo inpendenti sigillatum per infrascriptum nostrum notarium eidem capitulo / et mense capitulari atque personis canoncis et beneficiatis eiusdem duxi concedendum. Datum et actum in ciui/tate Bilamaioris intus in aula militum ubi celebratur capitulum et per sonum canpane in claustra / dicte ecclesie cathedralis ciuitatis prefate bicesimo die mensis aprilis sub anno a natiuitate / Domini milesimo quadringentessismo quinquagessimo tercio. Presentibus ibidem domnis Luppo Luppi archidiaconi de Azumara Gomecio Petri scolastico Alfonso Gundisalui Gundisaluo Petri / Johanne de Sancto Juliano Gundisaluo Iohannis Petro Martini Johanne Danca Alfonso Martini Martino / Belasci Petro Fernandi d-Andrade personis et canonicis dicte ecclesie cathedralis et Aria Fernandi ac Al/fonsso Roderici porcionariis eiusdem ecclesie testibus ad premissa bocatis et specialiter rogatis. Gundisaluus prouisor (Rúbrica).

Et ego Petrus de Horozco canonicus mindoniensis publicus apostolica / auctoritate notarius premissis omnibus et singulis dum sicut premititur agerentur et fierent resignacioni vnioni prouisioni presentacioni et / collacioni vna cum prefatis testibus presens interfui et hunc presentem / titulum anexacionis nomine dicti prouisoris roboratum et sigillo inpendenti / sigillatum manu mea scriptum signo meo solito signaui in fidem / et testimonium omnium premissorum et singulorum rogatus et requisitus. (Signo)

(Reverso):
M. v. n. 39. Vnion de la mitad de Santaballa de Merille.