GMH/ÍNDICE A-Z

506
955/ 07 / 19
O diácono Gunterigo e outros, concédenlle perpetuamente ó bispo Rosendo e a Celanova a metade da súa villa de Felgaria, que xa tivera concedida por un período de trinta anos.
TC, fol. 175r.
DE FELGARIA KARTA.

In nomine Domini. Nos Gunterigus diaconus et Osorius presbiter ad nostras personas, et ad personam genitricis nostre vel sororum nostrorum. Vobis patri domno Rudesindo episcopo et fratribus vestris de loco Domini Sancti Salvatori\s\ et monasterio Cellenove. Dubium quidem non est sed multis manet notissimum, eo quod fuit villa de Felgaria integra avii nostri domni Gunterici et concessit eam filie sue genitricis nostre cum alia sua hereditate, sed qualiter acte vel distracte fuerit hactiones pro quod ipsa villa predicta Felgaria pars nostra et vos tenuistis per triginta annos seu et amplius commemorare per hordinem valde perlongum est. Modo quidem placuit nobis et nobis uniter nos de ipsa villam facere cumpaginam ut divideremus inter nos [avios] ipsam villam per medium qualiter habeamus nos illa medietas deuso dado (...)1 partii illa alia medietas de nostra concessione ab hodierno die et tempore amoto a nobis iure de ipsa medietas quod vobis concessimus usque in perpetuum. Ita dumtaxat, quomodo dividimus ipsam villam quod vos renuistis sic et sorciamus per medium, quinta de ipsa villa quod usque nec nos tenuisse fatemur, sic cuncta que in ipsa villa husibus homini sunt necessaria, ut sunt domos cum intrinsecis suis ut sunt pomiferis et cunctis prestationibus suis, sive homines servos et libertos ibidem habitantes de omnia suprataxata medietas integra possideat pars vestra et monasterii, medietas iusta habeat pars nostra et pars cui eam relinquerimus pro remedio animabus nostris, nec pretermittendum videmus illuc hic inserere. Quod utrisque observare nos libet, vel eis libeat qui vestri nostrique in ipsa villa extiterint successores. Interdictum sit tam vobis quam nobis tam pars mea qua parti vestre aliquando in tempore ipsam villam de iure monasterii abstrahere per qualibet actionem comventionis donationis, quod qui fecerit continuo ipsa medietas amittat, et similem aliam pars huius scripture custodienti componat. Similem censuram resolvat qui aliquando in tempore huic scripture inruptor esse temtaverit adhuc insuper post parte regie potestas cohactus auri talentum confusus exsolvat.

Notus die XIIII Kalendas Augustas. Era D CCCC LXL III.

Gunterigus diaconus agens vicem tam meam quam genitricis et fratrorum meorum confirmo. Hosorius presbiter agens vicem meam necnon et genitricis mee vel fratrum meorum confirmo.

Aloitus presbiter et confesus. Vidragildus presbiter et confesus. Guginus confesus. Egeredus confesus cfr.

1 +- 13.