GMH/ÍNDICE A-Z

61
1218/04/06.


Pedro e Munio Fróilaz véndenlle ó mosteiro de Toxos Outos a herdade que eles e os seus irmáns teñen por herdanza do seu pai na vila de Gulfián, en S. Cosme de Outeiro, por sesenta e dous soldos.

B.- Tombo, f. 39rv.

Carta de Gulfiam.

In Dei nomine. Ego Petrus Froyle et Munio Froyle pro nobis et pro omnibus fratribus nostris et omnis uox nostra tibi domno Johanni Tudini, monasterii Sancti Iusti abbati, et omni conuentui eiusdem loci et omnibusque successoribus uestris, in Domino Deo eterno salutem, amen. Placuit nobis spontaneo quidem animo ut faceremus vobis cartam uenditionis et scripturam firmitatis imperpetuum ualituram de tota nostra hereditate quam habemus in villa Gulfiam ex parte patris nostri Froyle Pelagii. Et iacet ipsa villa in territorio Gentinis sub monte Petrosso circa fluuium Sartia et recurrit ad ecclesiam Sanctorum Cosme et Damiani. Vendimus itaque uobis quantum habemus uel habere debemus in ipsa uilla de auolencia et de ganantia et quantum ad uocem ipsius hereditatis pertinet intus et foris per ubicumque eam poteritis inuenire per suos terminos et loca antiqua, et recipimus de uobis in precium solidos LXa et duos in robore. Habeatis igitur istam hereditatem et quicquid ad nos pertinet in ipsa villa de Gulfiam et possideatis eam iure hereditario et faciatis de illa quod uestre iusum fuerit expedire hutilitati. Et siquis ex parte nostra super hoc nostro facto monasterium aliquando uoluerit inquietare nos sane promittimus cum ista hereditate quam uobis uendimus uos semper defendere per nostram hereditatem de villa Uindimoo. Siquis autem hanc quam uobis facimus uenditionis cartam quocumque modo infringere temptauerit, pariat du-//-platum quod sursum resonat; carta semper ius roboris obtinente.

Ego Petrus Froyle et Munio Froyle pro nobis et pro fratribus nostris in hac
carta manus nostras roboramus.

Facta carta uenditionis sub era M CC LVI et quotum VIIIo idus aprilis.

Q. p. f.: Petrus Caluus, ts. Fernandus Anaiaz, ts. Martinus Pelagii dictus
Uellus, ts. Anfonsus Pelagii de Sarantes, conf. Petrus Pelagii Teixafin, conf. Munio
Pelaiz de Gulfiam, conf. Petrus Cresconii, conf.

Petrus qui notuit.