GMH/ÍNDICE A-Z

422
1044/ 08 / 26
Viliulfo cos seus fillos véndelle ó presbítero Emiliano a súa herdade en Lamelas, xunto ó río Sorga.
TC, fols. 147v. - 148r.
In Dei nomine. Ego Viliulfo una cum filiis meis vobis Emilianus presbiter in Domino Deo eternam salutem. Ideo placuit // nobis bone pacis et volumtas ut vobis iamdictis facerem cartula vendicionis de hereditate nostra propria quos habemus de avorum et parentorum meorum in villa que vocitant Lamellas inter sancto Petro et Nugariola subtus monte Leporario discurrente rivulo Sorice vocabulo ecclesie Sancti Petri. Concedimus vobis de ipsa villa medietate integra sive de nostra parentela quomodo et de ganantia vel comparantia aut contramutato vel fundato. Ipsa villa cum omnia bona sua, cum aductibus et prestationibus suis ubique illa potueritis invenire per terminis et locis antiquis sic in casas, casare, torculare, pumares, cersares, arbores fructuosas, terras cultas vel incultas, petras mobiles et immobiles, pascuis, pratis, paludibus, exitus montium vel regressum, medietate integra vobis inde damus adque concedimus ubique illa potueritis invenire et accepimus de vos precio vaca una cum suo filio in modios X cibaria, cibaria modios VII, vino puzales I panno\s\ in quartariosX sestarios I, ovelia una in quartarios II sub uno aderato definito in modios XX sestarios III. Et iste precio in anno akeisiato quando mortui sunt illos homines de fame et intrava uno modios pro XX aut XXX in precio et de ipso precio apud vos nichil remansit indebito sed omnia complatum est, ita ut habeatis et possideatis eam iuri quieto firmiter ad perhabendum et perpetim ad possidendum. Et si vobis aliquis homo contra hanc cartulam vendicionis ad inrumpendum venerit vel venerimus tam nos quam de gens nostra propinquis vel extraneis aut qualibet forma hominis et vobis in concilio non auctorgaverimus, tunc pariemus vobis ipsa hereditate duplata vel triplata aut quantum ad vos fuerit meliorata et vobis perpetim habiturum.

Facta cartula vendicionis VII Kalendas Setembris. Era MLXXXII.

Viliulfo una cum filiis meis in hanc cartula vendicionis manus nostras roboramus (signum).

Qui presentes fuerunt: Ruderico ts. Miron ts. Sannosindo ts. Ioacino ts. Citi ts. Peppi ts.

Veremudus presbiter exaravit.